  Արամ Կարապետյանը չի բացառում ՀԱԿ-ի և իշխանությունների դաշինքի հնարավորությունը  23 մայիսի 2011 - 14:36 AMTPanARMENIAN.Net - «Նոր ժամանակներ» կուսակցության առաջնորդ Արամ Կարապետյանը չի բացառում ընտրությունների ժամանակ Հայ ազգային կոնգրեսի (ՀԱԿ) և իշխանությունների միության հնարավորությունը, «Միասնություն» դաշինքի օրինակով: Այդ մասին նա հայտնել է Երևանում կայացած մամլո ասուլիսում: Կարապետյանը հիշեցրել է, որ ժամանակին ընդդիմության առաջնորդ Կարեն Դեմիրճյանը վարչապետ Վազգեն Սարգսյանի հետ ձևավորեց «Միասնություն» դաշինքը, թեև մինչ այդ բարդ հարաբերություններ ուներ իշխանությունների հետ: Նա նշել է, որ իշխանություններն ու ՀԱԿ-ը շատ ընդհանուր բաներ ունեն, մասնավորապես` ղարաբաղյան հիմնախնդրի կարգավորման, Հայ-թուրքական արձանագրությունների հարցում: Ընդ որում` Կարապետյանն ընդգծել է, որ առայժմ օրակարգում դաշինքի կազմավորման հարց չկա: Կարապետյանի կարծիքով` իշխանություններն ու ՀԱԿ-ը պետք է հետևեն իրադարձություններին Վրաստանում, չէ՞ որ «հեղափոխական գործընթացները ոչ մի տեղ չեն անհետացել Հայաստանից»: Նա նշել է, որ Հայաստանում գոյություն ունեցող ոչ մի սոցիալական, տնտեսական, քաղաքական կամ աշխարհաքաղաքական խնդիր, երկխոսությամբ կամ առանց դրա, չի լուծվել: Կարապետյանն ավելացրել է, որ եթե ՀԱԿ-ի և իշխանությունների միջև համաձայնություն կա, ապա այն չի բացառում, որ իշխանությունը կարող է «դավաճանել» ՀԱԿ-ին հերթական ընտրություններից հետո մանդատների քանակի հարցում` հաշվի առնելով, որ կոնգրեսի դիրքերն այդ ժամանակ կթուլանան:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
