Լրատվություն Հայաստանից

12 3 4 5...

Գաբրիել Սարգսյան.

Փորձում եմ ապրել ազնիվ կյանքով, անել այն, ինչ այդ պահին մտածում կամ զգում եմ

5 ապրիլի 2013

PanARMENIAN.Net-ը ներկայացնում է Հայաստանի շախմատի տղամարդկանց հավաքականի անդամների հետ վերջին հարցազրույցը: Այս անգամ մենք ներկայացնում ենք հավաքականի 4-րդ խաղատախտակի մոտ հանդես եկող Գաբրիել Սարգսյանին: Նրա հետ հարցազրույցն ավելի շատ հիշեցնում է շախմատային բլից պարտիա` արագ հարցեր ու գերարագ պատասխաններ:

Վլադիմիր Հակոբյան.

Բացարձակ աշխատասեր չեմ, իսկ հաջողությունը եկել է միայն տաղանդի շնորհիվ

26 փետրվարի 2013

Հայաստանի շախմատի հավաքականի անդամների հետ PanARMENIAN.Net-ը շարունակում է զրուցել: Այս անգամ մենք հյուրընկալել ենք Վլադիմիր Հակոբյանին, որը մեր թիմի հետ երեք անգամ դարձել է Օլիմպիադայի չեմպիոն, աշխարհի չեմպիոն, ինչպես նաև Եվրոպայի առաջնության մեդալակիր: Վլադիմիրի հետ թեթև ու հետաքրքիր անցավ զրույցը. անկեղծ, կիրթ, հաճելի ու բանիմաց, ահա այսպիսին է մեր առաջատար շախմատիստներից մեկը:

Գոռ Մայիլյան.

Մեծ պատիվ է, որ ես ներկայացնում եմ Հայաստանը

5 փետրվարի 2013

19-ամյա սամբիստ Գոռ Մայիլյանը, չնայած երիտասարդ տարիքին, հասցրել է աչքի ընկնել միջազգային տարբեր մրցաշարերում և Հայաստան վերադառնալ մեդալներով: Անցած տարի նա և Եվրոպայի և աշխարհի առաջնություններում մինչև 56կգ քաշային կարգում իրեն հավասարը չուներ: Նա կարողացավ ոսկե մեդալներ նվաճել և PanARMENIAN.Net-ը որոշեց հարցազրույց անել երիտասարդ մարզիկի հետ:

Տիգրան Պետրոսյան.

Իմ անունն ինձ հետապնդում է մանկությունից

29 հունվարի 2013

Միշտ դրական ու լավ տրամադրություն ունեցող Տիգրան Պետրոսյանի հետ հաճելի և ուրախ է հարցազրույց անցկացնել: Այս անգամ ևս նա անմիջական, բովանդակալից ու հետաքրքիր պատասխաններ տվեց PanARMENIAN.Net-ի թեստ-հարցազրույցին: Եվ բնավ էլ պատճառն այն չէր, որ մի քանի օր առաջ էր դարձել Հայաստանի չեմպիոն: Մենք վերսկսում ենք Հայաստանի շախմատի հավաքականի անդամների հետ հարցազրույցների շարքը:

Սերգեյ Մովսիսյան.

8,5 լեզու գիտեմ և մտածում եմ նրանով, որով այդ պահին խոսում եմ

13 դեկտեմբերի 2012

Իրեն հատուկ բարձր տրամադրությամբ և արագ խոսելով էլ Սերգեյ Մովսիսյանը պատասխանեց PanARMENIAN.Net-ի թեստ-հարցազրույցին` խոսելով չափազանց անկեղծ ու անմիջական: Սա Հայաստանի շախմատի տղամարդկանց հավաքականի անդամների վերջին հարցազրույցն է այս տարում: Մյուս շախմատիստների հետ հարցազրույցները կներկայացնենք արդեն 2013 թվականին:

Լևոն Արոնյան.

Ես միշտ վստահ եմ, իսկ վստահությունը բերում է հանգստություն

6 նոյեմբերի 2012

Թիմակիցներ ու մրցակիցներ, տիտղոսներ ու երկրպագուներ, մեծ ճանաչում և հաղթանակներ. այս ամենը բոլոր աշխարհահռչակ մարզիկների կյանքում էլ կա: Տեսնենք, թե PanARMENIAN.Net-ի այս թեստ-հարցազրույցն ինչպես է հաղթահարել Լևոն Արոնյանը:

Արման Մուրադյան.

Երևանում անցկացվելիք ԱԱ կնպաստի Հայաստանի վարկանիշի բարձրացմանը

23 հոկտեմբերի 2012

Նոյեմբերի 25-ից դեկտեմբերի 8-ը Երևանում անցկացվելու է բռնցքամարտի երիտասարդների աշխարհի առաջնությունը: Հայաստանի բռնցքամարտի ֆեդերացիան երկրորդ անգամն է կազմակերպելու նմանատիպ խոշոր միջազգային մրցաշար: Առաջնության նախապատրաստական և կազմակերպչական աշխատանքների, ինչպես նաև հայկական բռնցքամարտի մասին PanARMENIAN.Net-ը խոսել է ֆեդերացիայի նախագահ Արման Մուրադյանի հետ:

Արաս Օզբիլիս և Արթուր Սարկիսով.

Արասը շատ է սիրում հացով ձվածեղ, իսկ Արթուրը միշտ հիշում է իր 7-ամյակի մեծ տորթը

10 հոկտեմբերի 2012

Արաս Օզբիլիսն ու Արթուր Սարկիսովը Հայաստանի ազգային հավաքականի կազմը համալրեցին ոչ վաղ անցյալում, բայց կարողացան շուտ հարմարվել թիմին ու սիրվել երկրպագուների կողմից: Նրանք ֆուտբոլի հավաքականի այն երկու ներկայացուցիչներն են, որոնց հետ PanARMENIAN.Net-ի թղթակիցները խոսեցին ոչ հայերենով: Ձեզ ենք ներկայացնում մեր «օտարալեզու» հարցազրույցը Օզբիլիսի և Սարկիսովի հետ:

Արսեն Ջուլֆալակյան.

Օլիմպիական չեմպիոն Վլասովն ականջիս ասաց, որ ես ամենաուժեղն եմ

7 օգոստոսի 2012

Ընդամենը մի քանի օր առաջ հունահռոմեական ըմբիշ Արսեն Ջուլֆալակյանը դարձավ Օլիմպիական խաղերի արծաթե մեդալակիր: Այս ձեռքբերումը ոգևորեց ողջ հայությանը, ու բոլորը մոռացան, որ մինչ այդ Հայաստանի մարզիկներն անհաջող էին ելույթ ունեցել Լոնդոնում: Արսենի հաջողությունից ուրախացել է նաև PanARMENIAN.Net-ը, որը կապ հաստատեց Լոնդոնի հետ և զրուցեց մեր ամենատիտղոսակիր մարզիկներից մեկի հետ:

Արման Յերեմյան.