Անցյալ շաբաթ Թուրքիայի դատախազությունը պետական հեղաշրջման մեղադրանք է ներկայացրել «Էրգենեկոն» խմբավորման անդամ 33 ազգայնականների: Այդ որոշումը հետեւեց այդ խմբավորման անդամ մի քանի տասնյակ ազգայնականների ձերբակալություններին այս շաբաթ: Ոստիկանությունը ազգայնականների հետքին դուրս եկավ այն բանից հետո, երբ անցած ամռանը Ստամբուլի տներից մեկում հայտնաբերվեց 700 կգ պայթուցիկ եւ զենք: Ըստ «Հյուրիեթի», խմբավորման անդամները անցյալում «Հեզբոլլահ» ծայրահեղական իսլամական կազմակերպության անդամներ են եղել: