Ադրբեջանի նախագահն ի վերջո արեց այն, ինչ սպասվում էր` ղարաբաղյան հիմնահարցի լուծման բեռը բարդեց ԵԱՀԿ ՄԽ երկրների վրա` որպես դաշնակից, իսկ ավելի ճիշտ` որպես հովանավոր հրավիրելով Թուրքիայի վարչապետին: Ըստ էության, Էրդողան-Օբամա հանդիպումից ոչ մի այլ բան չէր էլ սպասվում, ցավոք, ԱՄՆ-ն առայժմ Թուրքիայի կարիքն ունի մինչեւ Իրաքից զորքերի դուրսբերումը եւ Իրանի միջուկային հիմնահարցի հավանական լուծումը ռազմական ճանապարհով: Այստեղ Օբաման ակնհայտորեն օրիգինալ չգտնվեց եւ շարժվեց Բուշ-ավագի ու կրտսերի մշակած ճանապարհով:

Տարածաշրջանը եւ ամբողջ աշխարհը քարացել է սպասման մեջ: Եվ թեպետ արդեն հայտարարվել է Հայաստանի եւ Թուրքիայի միջեւ իսկապես պատմական հանդիսացող արձանագրությունների ստորագրման ամսաթիվը, կողմերն իրենց չափազանց զգուշավոր են պահում: Չնայած նրան, որ ոչ մի ֆորս-մաժորային իրավիճակ չի սպասվում, սակայն Աստված պահպանում է նրան, ով իր մասին հոգ է տանում: Ճիշտ է, ֆորս-մաժորը կարող է սադրել Ադրբեջանը, ինչպես նա արդեն արեց Ղարաբաղի նկատմամբ սույն թվականնի մարտի 4-ին:

Open Music Fest-ի շնորհիվ, որն անց է կացվում Երեւանում, Հայաստանի մշակութային կյանքում 2009-ի ամռան վերջին շաբաթում տիրող հարաբերական անդորրը զարդարվեց Աննա Մաիլյանի սոպրանոյով, Տաթեւիկ Բաղդասարյանի բարեհնչյուն ֆլեյտայի ձայնով` Հայաստանի ազգային կամերային նվագախմբի նվագակցությամբ, որի գեղարվեստական ղեկավարն է Արամ Կարաբեկյանը: