Արդեն ավանդույթ է դարձել, որ Հայաստանի քաղաքական շաբաթը սկսվում է Լեռնային Ղարաբաղի հիմնախնդրի քննարկումից: Այդ առումով այս շաբաթը բացառություն չէր: Ռուսաստանը միշտ եղել է Հայաստանի հավատարիմ ընկերը և մեր կուսակցությունը միշտ հանդես կգա Հայաստանի ու Ռուսաստանի միջև ռազմավարական, դաշնակցային ու տնտեսական հարաբերությունների զարգացման ու ամրապնդման օգտին: Այդ մասին հայտարարել է «Բարգավաճ Հայաստանի» նախագահ Գագիկ Ծառուկյանը: Միևնույն ժամանակ Ծառուկյանը հերթական անգամ ընդգծեց, որ Ղարաբաղը ոչ մի հանգամանքում չի կարող սակարկության առարկա լինել: «Մենք պետք է ուշադրություն դարձնենք խնդիրներին և լուծենք դրանք անկախ նրանից, թե ով ինչ կասի:

Հայաստանի Ազգային ժողովի պատգամավորները հունիսի 10-ին հաստատեցին երկրի 2009թ. պետբյուջեի կատարողականը: Պետբյուջեի կատարողականի մասին հաշվետվությունը հաստատվեց գրեթե միաձայն` դեմ քվեարկեց 1 հոգի: Հարկ է նշել, որ այն պահին, երբ ՀՀ ԱԺ խոսնակ Հովիկ Աբրահամյանը քվեարկության էր դնում հաշվետվությունը, ընդդիմության մտքերը զբաղված էին 20-րոպեանոց ընդմիջման մասին մտորումներով:

Հայաստանի հարավ-արևելքում` Վայոց Ձորի մարզում` Եղեգնաձոր քաղաքից 12կմ հեռավորության վրա գտնվում է Արենիի քարանձավը: Քարանձավի ընդհանուր տարածքը կազմում է 400 քառ. մ, դրա մեջ բացվում են մի քանի բնական սրահներ: 2007 թվականին տեղի բնակիչներից մեկը որոշեց այդ տեղանքում ռեստորան կառուցել, սակայն շինարարության ժամանակ քարանձավում հնագույն առարկաներ հայտնաբերվեցին, ինչը գրավեց հայ և արտասահմանյան հնագետների ուշադրությունը, հատկապես` Բորիս Գասպարյանի, ով մինչ օրս զբաղվում է քարանձավի պեղումներով:

Ազգային վիճակագրական ծառայությունն ամփոփել է արդյունքները 2010 թվականի հունվար-ապրիլ ամիսների համար: Հայաստանում 2010թ. հունվար-ապրիլին կապի ծառայություններից ստացված հասույթն ընթացիկ գներով, կազմել է 52 949.1 մլն դրամ, որը 2009թ. հունվար-ապրիլի նկատմամբ, համադրելի գներով, աճել է 6.2%-ով: Դրա հետ մեկտեղ 2010 թ. հունվար-ապրիլ ամիսներին Հայաստանում կապի ծառայությունների սակագները անցյալ տարվա նույն ժամանակահատվածի համեմատ նվազել են 2 տոկոսով: Նույն շրջանում աճ է նկատվել նաև համակարգիչների արտադրության ոլորտում. 2010-ի հունվար-ապրիլ ամիսների ընթացքում արտադրվել է 459 համակարգիչ, ինչը 3.4 տոկոսով շատ է, քան անցյալ տարվա նույն շրջանը (475): Մինչդեռ միայն ապրիլին Հայաստանում 95 համակարգիչ է արտադրվել:

«Մեծ Մերձավոր Արևելքը» աստիճանաբար իրականություն է դառնում: Տարածաշրջանային առաջատարի տեղի համար պայքարը Թուրքիայի ու Իրանի միջև, որոնք սահմանակից են Հայաստանին, «անդրկուլիսյան» բնույթ է կրում, և թող ոչ ոքի չմոլորեցնի այն, որ Էրդողանը սատարում է Իրանի միջուկային ծրագրին: Հայաստանն այս դեպքում պետք է կառուցի հարաբերությունները հարևանների հետ` ելնելով «իմ թշնամու թշնամին իմ բարեկամն է» կարգախոսից: Համակարգը երբեմն խափանվում է, սակայն, ընդհնաուր առմամբ, գործում է: Հատկապես այն դեպքում, եթե հարաբերությունները հանգիստ են եղել, իսկ որոշ միջադեպերից հետո, բարելավվել են: Օրինակ կարող են ծառայել թուրք-իսրայելական հարաբերությունները, որոնք կարող են սահուն կերպով փոխակերպվել հայ-իսրայելական հարաբերությունների: Սակայն, դա գուցե բավական հեռավոր ապագայում, կարող է նաև ընդհանրապես տեղի չունենալ:

Շախմատ. Շախմատի աշխարհի չեմպիոնի կոչման հավակնորդների հանդիպումները կայանալու են 2 երկրներում: 4 շախմատիստներ խաղալու են Բաքվում, իսկ մնացած 4-ը, այդ թվում Արոնյանը` մեկ այլ երկրում, որն ավելի ուշ հայտնի կդառնա: Ավելի վաղ Արոնյանը հայտարարել էր, որ չի պատրաստվում հանդես գալ Բաքվում աշխարհի առաջնության եզրափակիչ խաղերի ուղեգիր նվաճելու համար:

Չհասցրեցին մարել «Մոսկվա» կինոթատրոնի ամառային դահլիճի տեղում եկեղեցու կառուցման մտադրության հետ կապված կրքերը, ինչպես հասարակության մեջ սկսեցին լուրեր շրջանառվել նոր շինարարության դեմ հերթական ստորագրահավաքի մասին: «Մե՛նք ենք այս քաղաքի տերը» նախաձեռնությունը հայտարարություն է տարածել «Ուսանողական այգու» վերացման վտանգի վերաբերյալ: Ինչպես նշվում է PanARMENIAN.Net- ի ստացած հայտարարության մեջ, «այգում սկսվել է լայնածավալ շինարարություն, որը չի համաձայնեցվել տվյալ միջավայրում բնակվող, ուսանող և ստեղծագործող քաղաքացիների հետ և սպառնում է հանրային հանգստի գոտին վերածել հերթական բետոնապատ տարածքի: Այստեղ ակնհայտորեն մասնավոր շահը վեր է դասվել հանրային շահից»: