Հոլանդական քաղաքական գործիչը բոլոր ամբիոններից բացահայտ կերպով նախազգուշացնում է արմատական իսլամիզմի կողմից Արևմտյան Եվրոպայի ստրկացման մասին

Հայաստանը 2011-ից նախատեսում է անցում կատարել կամավոր կուտակային կենաթոշակային համակարգի, իսկ 2014-ից` պարտադիրի

Լևոն Մելիք-Շահնազարյան. Ադրբեջանական զինվորականների գիշերային հարձակումը յուրօրինակ արյունոտ շանտաժ էր` հասցեագրված Ռուսաստանին և ԵԱՀԿ ՄԽ համանախագահ-երկրներին

Երևանում հունիսի 16-ին ՀՀ-ԵՄ համագործակցության ենթակոմիտեի առևտրի, տնտեսական ու համապատասխան իրավական հարցերի գծով հերթական` իններորդ նիստում քննարկվեցին ԵՄ հետ Հայաստանի առևտրի ազատ գոտու հիմնավորման հնարավորությունները: Բարձրացվեցին նաև մակրոտնտեսական զարգացումները Հայաստանում, ԵՄ-ի հետ Խորը և համապարփակ ազատ առևտրի տարածք հիմնելու հնարավորությունները, ստանդարտացում, տեխնիկական կանոնակարգեր, համապատասխանության հավաստում, սանիտարական և բուսասանիտարական չափանիշներ, մտավոր սեփականություն, հարկային ու մաքսային ոլորտին վերաբերող հարցեր: Բացի այդ, նիստում քննարկվեցին ԵՄ-ի կողմից տեխնիկական աջակցության, առևտրի հետ կապված հարցեր` ներառյալ կառավարման պետական մարմինների համապարփակ զարգացման ծրագրի (CIB) նախապատրաստական աշխատանքները:

Քաղաքական շաբաթը Հայաստանում նշանավորվեց Երևանում Սոցինտերնի խորհրդաժողովի աշխատանքով: Հունիսի 12-ին Երևանում աշխատանքն ավարտեց ԱՊՀ երկրների, Կովկասի և Սևծովյան ավազանի պետությունների Սոցինտերնի կոմիտեի համաժողովը: Համաժողովին մասնակցում էին ԱՊՀ երկրների և Եվրոպայի 13 երկրների կուսակցություններ, մասնավորապես` Ռուսաստանի, Վրաստանի, Ղազախստանի, Բելառուսի, Մոլդովայի, Հունաստանի, Հունգարիայի, Գերմանիայի, Լեհաստանի, Շվեդիայի, Պաղեստինի և Ադրբեջանի սոցիալիստական կուսակցությունների ներկայացուցիչները: Համաժողովի արդյունքներն ամփոփելով` Սոցինտերնի գլխավոր քարտուղար Լուիս Այալան հայտնել է, որ իրենց հաջողվել է իրականացնել այն ամենն, ինչ երկու օրվա ընթացքում ծրագրել էին: «Մեր հիմնական նպատակն է ժողովրդավարություն տարածել այն բոլոր երկրներում, որտեղ մենք ներկայացված ենք: Իսկ մի շարք երկրներում, ինչպես, օրինակ` Հայաստանն է, մենք կարողացանք բաց հասարակություն ձևավորել, իսկ որոշ երկրներում այդ գործընթացը շատ երկար է տևում», - նշել է նա:

Հայաստանի և Ադրբեջանի նախագահների հերթական հերթապահ հանդիպումն ավարտվեց այնպես, ինչպես նախորդ հինգը: Այսինքն`անարդյունք: Կարելի է ենթարդրել, որ նախագահներից յուրաքանչյուրն հանդիմանանքի իր բաժինը ստացավ Դմիտրի Մեդվեդևից` Իլհամ Ալիևը մշտական դատարկ սպառնալիքների համար, Սերժ Սարգսյանը անզիջում դիրքորոշման համար: Ադյպես էլ բաժանվեցին` պայմանավորվելով շարունակել խորհրդակցությունները Մադրիդյան սկզբունքների հիման վրա: