Ղարաբաղի շուրջ բանակցություններում ամենաանշնորհակալ դերը ԵԱՀԿ Մինսկի խմբինն էՈչ Օբաման, ոչ Սարկոզին Սարգսյան-Ալիև հանդիպում չեն կազմակերպում: Եվ դա վկայում է այն մասին, որ առաջին ջութակն այստեղ այնուամենայնիվ Ռուսաստանն է, ինչն էլ ենթադրվում էր հենց սկզբից Հայաստանի և Ադրբեջանի նախագահների հերթական հերթապահ հանդիպումն ավարտվեց այնպես, ինչպես նախորդ հինգը: Այսինքն`անարդյունք: Կարելի է ենթարդրել, որ նախագահներից յուրաքանչյուրն հանդիմանանքի իր բաժինը ստացավ Դմիտրի Մեդվեդևից` Իլհամ Ալիևը մշտական դատարկ սպառնալիքների համար, Սերժ Սարգսյանը անզիջում դիրքորոշման համար: Ադյպես էլ բաժանվեցին` պայմանավորվելով շարունակել խորհրդակցությունները Մադրիդյան սկզբունքների հիման վրա: 18 հունիսի 2010 PanARMENIAN.Net - Ի դեպ, 3 տարում ոչ ոք այդպես էլ չբացատրեց, թե իրականում ինչ են պարունակում այդ սկզբունքները: Եթե ընդհանուր դրույթներից բացի`փախստականների վերադարձի և նման անհնար բաների մասին դրույթներ կան, սակայն չկա դրույթ ԼՂՀ կարգավիճակի մասին, ապա ողջ բանակցային գործընթացը ոչ ոքի հարկավոր չէ և հենց սկզբից դատապարտված էր ձախողման: Մեծ հաշվով, այն արդեն ձախողվել է, և պատահեց դա դեռևս 2001 թվականին` Ռոբերտ Քոչարյանի և Հեյդար Ալիևի Քի Վեսթում ունեցած հանդիպմանը: Ադրբեջանի նախագահը գրեթե համաձայնվել էր ԼՂՀ անկախությանը, սակայն վերջին պահին այնուամենայնիվ չստորագրեց փաստաթուղթը: Հավանաբար, վախեցել է որդու ապագայի համար: Անշուշտ, այսօրվա Ադրբեջանում այդ փաստը չի հիշատակվում` համազգային առաջնորդը չէր կարող այդպես վարվել, դա «հայկական հեքիաթներ են»: Սակայն եթե Հեյդար Ալիևը կարողացվավ տանուլ տալ պատերազմը, ապա կարող էր նաև ստորագրել կապիտուլյացիայի մասին ակտը: Սակայն Բաքվում ամեն ինչ գլխիվայր շրջելով, գրում են թե ինչ պետք է անի Հայաստանը` և հաջորդում է մի երկար ցուցակ, թե ինչ պիտի անի Երևանը, Ադրբեջանի, Թուրքիայի և Աստված գիտի թե էլ ում համակրանքին «արժանանալու» համար: Ղարաբաղի շուրջ բանակցություններում ամենաանշնորհակալ դերը ԵԱՀԿ Մինսկի խմբինն է, որին մեղադրում են բոլոր հայտնի մեղքերի մեջ: Մինչդեռ, հենց դիվանագետներն են, որ ոչ մի մեղք չունեն` նրանք կատարում են իրեցն աշխատանքը, հանդիպումներ են կազմակերպում, այցելում են տարածաշրջան, թույլ չտալու համար ռազմական գործողությունների վերսկսում: Սակայն կարելի է ասել, որ Ալիև-կրտսերն արդեն բաց է թողել պահը, երբ նա տեսականորեն կարող էր պատերազմ սկսել: Եվ մեղավորը British Petroleum-ն է, ինչպես նաև Թուրքիայի անհեռատես քաղաքականությունը, որը ցանկանալով թռիչք կատարել դեպի տարածաշրջանային տիրապետություն, չհաշվարկեց իր ուժերը: Էրդողանին խանգարեց այն, ինչը խանգարում է ողջ հետխորհրդային տարածքի ղեկավարությանն ու բնակչությանը` նրանք բոլորը ցանկանում են «այժմ և միանգամից»` մոռանալով պետության կառուցման և հզորացման տարրական կանոնները: Ի դեպ, նույն ուղիով էր փորձում գնալ նաև Ռուսաստանը: Ընդհանրապես հարկ է նշել, որ կայսերական մտածողությունը շատ վտանգավոր և նենգ բան է, այն չի վերանում նույնիսկ 100 կամ 200 տարի անց: Փլուզումը միշտ արյունալի է ու տանջալից, քանի որ այն հողերի «հավաքումը», որոնց բնակչությունը զգացել է ավագ եղբորից ազատ լինելու համը, ոչ մի դեպքում չի ցանկանա անցյալին վերադառնալ: Տվյալ դեպքում մենք գործ ունենք Օսմանյան և Ռուսական կայսրությունների վերածննդի փորձերի հետ, ինչը կարող է ողջ եվրասիական տարածքի կոլապսի պատճառ դառնալ: Իսկ ղարաբաղյան կարգավորման հարցը հենց այն կետն է, որի վրա ամեն ինչ կարող է կոտրվել: Թող ոչ ոքի չզարմացնի ՌԴ նախագահի ակտիվությունը Սարգսյան-Ալիև հերթական, բոլորովին անիմաստ հանդիպման կազմակերպման գործում: Նրանք միևնույն է չեն պայմանավորվի, ինչ էլ խոստանան ԱՄՆ-ն, ԵՄ-ն և Ռուսաստանը միասին վերցրած: Չափազանց շատ արյուն է հեղվել և չափազանց քիչ ժամանակ է անցել ԼՂՀ անկախության հռչակումից, դուր է գալիս դա ոմանց, թե ոչ, Ղարաբաղի անկախությունից զատ այլ կարգավիճակի համաձայնվելու համար: Միանգամայն ակնհայտ է, որ և այս հանդիպումը, և հաջորդ հանդիպումները, որոնք անխուսափելի են, կոչված են հանգստացնելու երկու երկրների հանրությանը, անկախ նրանից, որ հանդիպման գնահատականները Հայաստանում ու Ադրբեջանում այնքան հեռու են իրականությունից, որ ուղղակի զարմանում ես: Երբեմն թվում է, թե առաջնորդվում են «ես շուկայում լսեցի» սկզբունքով: Գործի են դրվում բոլորովին անիրական «մանրամասներ»` տարբեր շրջանակներում իրազեկ աղբյուրների վրա հղումներով: Եվ դա ընկալվում է, ինչպես և այն, որ կարծես թե լուրջ մարդիկ սկսոմ են մեկնաբանել բանակցությունները և չգիտես ինչու համեմատում են Հայաստանը Ղրղզստանի հետ…Ճիշտ է, կա ևս մեկ հետաքրքիր փաստ` ոչ Օբաման, ոչ Սարկոզին Սարգսյան-Ալիև հանդիպում չեն կազմակերպում: Եվ դա վկայում է այն մասին, որ առաջին ջութակն այստեղ այնուամենայնիվ Ռուսաստանն է, ինչն էլ ենթադրվում էր հենց սկզբից: Կարինե Տեր-Սահակյան / PanARMENIAN News Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |