Հուլիսի 12-ին Արցախի Հանրապետության նախագահ Բակո Սահակյանի, վարչապետ Արա Հարությունյանի և «Ղարաբաղ տելեկոմ» ՓԲԸ տնօրեն Ռալֆ Յիրիկյանի հանդիպման ժամանակ քննարկվել են Արցախի «Ղարաբաղ տելեկոմ» ընկերության ներդրումային քաղաքականությանը վերաբերող հարցեր: Կողմերը վերանայել են սակագների, սոցիալական ոլորտում բարեգործական ծրագրերի իրականացմանն առնչվող հարցեր: Այս մասին հաղորդել է ԼՂՀ նախագահի գլխավոր տեղեկատվական վարչությունը:

Ընթացիկ շաբաթվա քաղաքական իրադարձություններն Երևանում մեկնարկեցին «Ժառանգություն» կուսակցության VI համագումարով, համագումարում հաշվետու զեկույցով հանդես եկավ կուսակցության վարչության նախագահ Արմեն Մարտիրոսյանը: Ըստ նրա, «Ժառանգությունը» միշտ հանդես է եկել ի պաշտպանություն մարդու իրավունքների և պետական շահերի:

Հայ-լեհական տնտեսական հարաբերությունների ակտիվացման համար մեկնարկ հանդիսացավ Լեհաստանի վարչապետ Դոնալդ Տուսկի այցը Հայաստան, որի շրջանակներում մարտի 12-ին կնքվեց տնտեսական համաձայնագիր: Այդ համաձայնագրի հիման վրա Երևանում տեղի ունեցավ հայ-լեհական միջկառավարական հանձնաժողովի առաջին նիստը, որի շրջանակներում ստեղծվելու է իրավապայմանագրային դաշտ` երկկողմանի համագործակցության հետագա զարգացման համար: Լեհական պատվիրակության այցի շրջանակներում, որտեղ ընդգրկված էին ոչ միայն պետական կառույցների ներկայացուցիչներ, այլ նաև գործարարներ, տեղի ունեցավ գործարար համաժողով, որտեղ կողմերը քննարկեցին երկկոկղմ համագործակցության մանրամասները:

Ֆուտբոլ. Հուլիսի 14-ին FIFA-ն հրապարակել է ազգային հավաքականների հերթական վարկանիշային աղյուսակը: Հայաստանի հավաքականը նախորդ աղյուսակի համեմատ բարձրացել է 4 հորիզոնականով և 318 միավորով զբաղեցնում է 96-րդ տեղը: Առաջին տեղում 1883 միավորով 2010-ի աշխարհի չեմպիոն Իսպանիայի հավաքականն է: Երկրորդ տեղում աշխարհի արծաթե մեդալակիր Հոլանդիայի հավաքականն է (1659 միավոր), երրորդ տեղում` Բրազիլիայի հավաքականը (1536): Հայտնի են դարձել ֆուտբոլի Հայաստանի և Վրաստանի երիտասարդական հավաքականների միջև խաղերի ամսաթվերը, որոնք կկայանան 2011թ. Եվրոպայի առաջնության ընտրական մրցաշարի շրջանակներում:

Ադրբեջանում արդեն ավանդույթ է դառնում` Հայաստանի ու Ադրբեջանի ԱԳՆ ղեկավարների յուրաքանչյուր հանդիպումից, ԵԱՀԿ ՄԽ տարածաշրջան յուրաքանչյուր այցից և երկու երկրների նախագահների հանդիպումից առաջ անհամարժեք հայտարարություններ անել, որոնք, ըստ Բաքվի իմաստունների, կստիպեն Հայաստանին, ԵԱՀԿ ՄԽ-ին և համաշխարհային հանրությանը «վերադարձնել բուն ադրբեջանական հողերը»: Ընդ որում, արվում են այդ հայտարարությունները Ադրբեջանի ինչ-որ գյուղում կամ, լավագույն դեպքում, շրջկենտրոնում Հեյդար Ալիևի հերթական հուշարձանի բացման ժամանակ:

Հնագույն քաղաքակրթությունների ուսումնասիրությունների ժամանակ հաճախ Հայաստանն անտեսվել է, կարծես, դուրս մնալով համընդհանուր պատմական շրջադարձերից: Հետազոտողների հետաքրքրությունները համարյա միշտ սահմանափակվել են հիմնականում հին Միջագետքի և Եգիպտոսի տարածքների ուսումնասիրություններով: Բնականաբար, հնարավոր չէր հին քաղաքակրթությունների կազմավորման գործում ամբողջությամբ բացառել Հայաստանի գործոնը. բավականին շատ էին ապացույցները: Սակայն, այս կամ այն պատճառով Հայաստանը, համենայն դեպս, դուրս էր մղվել հնարավոր առաջնորդների ցուցակից:

1988 թվականի սումգայիթյան ջարդերը ցնցեցին ողջ հայությանը: Այդ վայրագությունների արդյունքում զոհվեցին տասնյակ մարդիկ, որոնց մեծ մասը ողջակիզվեց ծեծի ու տանջանքների ենթարկվելուց հետո, իսկ հարյուրավոր հայեր վիրավորվեցին, նրանցից շատերը հաշմանդամ դարձան: Կողոպտվեցին ավելի քան երկու հարյուր բնակարաններ, այրվեցին ու ոչնչացվեցին տասնյակ ավտոմեքենաներ, արհեստանոցներ, խանութներ, կրպակներ և հասարակական նշանակության այլ օբյեկտներ: Բացի դրանից, անօթևան մնացին հազարավոր փախստականներ, որոնք մինչ օրս էլ տուն չունեն: Այդ տարին փոխեց շատերի կյանքը, այդ թվում` 27-ամյա Մանվել Եղիազարյանի կյանքը, ում մեջ սումգայիթյան դեպքերից հետո «կոտրվեց» ամենակարևորը` խաղաղության ու արդարության հանդեպ հավատը: