1995թ. համաժողովրդական հանրաքվեով ընդունված, ապա 2005թ ին բարեփոխված ՀՀ Սահմանադրությունը ամուր հիմք է մեր երկրի հետագա բարգավաճման և հզորացման համար

Երևանի «Նաիրիտ» քիմիական գործարանի կառավարման օպերատորի մրցույթի հայտ է ներկայացրել միայն մեկ ընկերություն` գերմանական C.A.C, որը երկար տարիներ մասնագիտացած է քիմիական արդյունաբերության ոլորտում: Հայաստանի էներգետիկայի և բնական պաշարների նախարարությունը 15 օրով երկարաձգել է «Նաիրիտ» գործարանի ներդրումային ծրագրի իրականացման Հետաքրքրությունների հայտերի ընդունման ժամկետը:

Ֆուտբոլ. Հունիսի 20-ին Նյոնում կայացավ Չեմպիոնների լիգայի առաջին և երկրորդ ընտրական փուլերի վիճակահանությունը: 2010 թվականի Հայաստանի չեմպիոն երևանյան «Փյունիկը» պայքարը կսկսի երկրորդ ընտրական փուլից, որտեղ նրա մրցակիցը կլինի «Վիկտորիան» Պլզենիից (Չեխիա): Չեմպիոնների լիգայի երկրորդ ընտրական փուլի հանդիպումները կկայանան հուլիսի 12-ին, 13-ին, 19-ին և 20-ին: Հաղթողները կմասնակցեն երրորդ ընտրական փուլի վիճակահանությանը, որտեղ նրանց կմիանան ևս 13 թիմեր: