Մշակույթի նախարարը խոստացել էր կառավարության նիստի ժամանակ բարձրացնել ֆիլմի ֆինանսավորման հարցը, բայց «մոռացել» էր իր խոստման մասին

Տիրոջ Պայծառակերպության տոնին նվիրված ժամերգություն կատարվեց Ուկրաինայի բոլոր հայկական եկեղեցիներում և մատուռներում

Վերջին շաբաթները Թուրքիայի նախանձելի համառությամբ ներողություն է պահանջում` սկզբից Իսրայելից, իսկ հիմա` Հայաստանից: Երկու դեպքերում էլ պահանջը ոչնչով հիմնավորված չէ, ավելին, այն անհեթեթ է, հատկապես Հայաստանին վերաբերվող հարցում: Սակայն ամեն ինչ հերթով: Թուրքիան արդեն մեկ տարի Իսրայելից պահանջում է ներողություններ և փոխհատուցում Mavi Marmara-ի դեպքերի հետ կապված: Նավը, որը փորձել էր թափանցել Գազայի հատված, անցնելով իսրայելական մաքսային հսկողությունը, հարձակման էր ենթարկվել իսրայելական հատուկ նշանակության ջոկատի կողմից: Արդյունքում սպանվել է Թուրքիայի 9 քաղաքացի: Ավելորդ չէ հիշել, որ Mavi Marmara-ի վրա գտնվել են պաղեսինյան գրոհայիններ և ենթադրվում է` նաև զենք: Երկրորդ նավն այս տարվա հունիսին այդպես էլ դուրս չեկավ ծով: Բայց վարչապետ Էրդողանը, որը լրջորեն իրեն սուլթանական գերարտոնություններ է վերագրել, պահանջում է ներողություն և փոխհատուցումներ` մոռանալով Օսմանյան կայսրության վախճանի մասին, որը թաթախված էր կոռուպցիայի, պարտքերի և արյան գետերի մեջ հանուն սեփական հավակնությունների բավարարաման:

Հուլիսի 19-ին Պյատիգորսկում (Ռուսաստան) ավարտվեց Հյուսիսկովկասյան երկրորդ երիտասարդական համաժողովը՝ «Մաշուկ 2011», որը երկու շաբաթով միավորեց գրեթե 2.5 հազար երիտասարդների ՌԴ Հյուսիսային Կովկասի սուբյեկտներից, ինչպես նաև Հայաստանից, Ադրբեջանից, Վրաստանից, Ուկրաինայից, Աբխազիայից և Հարավային Օսեթիայից ժամանած հյուրերի: Եվրասիական հետազոտություների հայկական մասնաճյուղի շնորհիվ առաջին անգամ համաժողովի աշխատանքին մասնակցեց պատվիրակություն Հայաստանից, որի կազմում էին բլոգեր Տիգրան Սարգսյանը, PanARMENIAN.Net-ի թղթակից Հայկ Խալաթյանը և Հայաստանում Ռոսհամագործակցության աշխատակից Եկատերինա Ժիրենկոն:

Դեպի երկիր կապիտալի ներհոսքը խթանելու և արտահոսքը նվազեցնելու համար հարկավոր է բարելավել գործարար մթնոլորտը, բարձրացնել սեփականության իրավունքի պաշտպանության մակարդակը, գտնում է Ռուսաստանյան բանկերի ասոցիացիայի վերլուծական դեպարտամենտի պետ Սերգեյ Գրիգորյանը: «Բիզնեսը գնում է այնտեղ, որտեղ իրեն հարմարավետ է զգում»,-ասել է նա «Կապիտալի փախուստ. Հետխորհրդային տարածքի ֆենոմեն» թեմայով Երևան-Մոսկվա հեռուստակամուրջի ժամանակ: