Պատմության համար 20 տարին ժամանակի մի ակնթարթ է: Ժողովրդի համար, որը 600 տարի զրկված է եղել պետականությունից և անկախությունից, ժամանակի մեծ հատված է, որի ընթացքում կարելի է ամփոփել միջանկյալ արդյունքները, որոնք կարող են գոյության ակնառու օրինակ հանդիսանալ: 1991-ի սեպտեմբերի 21-ին Հայաստանի բնակիչների մեծամասնությանը թվում էր, որ անկախության հռչակման հետ միասին կլուծվեն շատ խնդիրներ, այդ թվում` ղարաբաղյան հիմնահարցը: Այդ ժամանակ բոլորին թվում էր, որ համաշխարհային հանրությունը միայնակ չի թողնի հայ ժողովրդին ագրեսորների դեմ և կճանաչի ազգի ինքնորոշման իրավունքը:

Երևանի քաղաքացիներն ու զբոսաշրջիկները, հայտնվելով անծանոթ փողոցի անծանոթ կանգառում, հաճախ չեն կարողանում հասկանալ՝ որ երթուղայիններն են այդ հատվածով անցնում և որն ուր է գնում։ Այնինչ քաղաքակիրթ երկրներում սա շատ վաղուց այլևս խնդիր չէ։Մի քանի տարի առաջ Երևանի կանգառներում տեղադրվեցին անցնող երթուղայինների համարներով ցուցանակներ։ Սակայն տեղադրումից մի քանի շաբաթ անց ցուցանակներն ամբողջովին պատված էին անհասկանալի, հաճախ անհեթեթ հայտարարություններով։ Կանգառներում մարդիկ ավելի շուտ կարող են իմանալ՝ որտեղ ինչ բնակարան է վաճառվում, ինչպես լինել «հայեցի ու հայրենասեր», ինչպես պայքարել ՀՀՇ-ի ու համասեռամոլների դեմ՝ մոռանալով ցուցանակի սկզբնական դերի մասին։ Այսքանից հետո բնական է, որ ամենուր ականատես ենք լինում շատ ծանոթ մի երևույթի, երբ մոտենում ու հարցնում են՝ «Ապեր, 82 համարը ստեղով անցնո՞ւմ ա» կամ «Հոպար, Ավան հասնո՞ւմ ես»։

Ընթացիկ ամսվա սկզբին Fitch Ratings գործակալությունը հաստատել է Հայաստանի էմիտենտի դեֆոլտի երկարաժամկետ վարկանիշը BB- մակարդակի վրա՝ կանխատեսումը «կայուն»: Fitch Ratings միջազգային վարկանիշային գործակալության զեկույցում Հայաստանի պետական պարտքը գնահատվում է որպես կառավարելի, բնորոշ նմանատիպ խմբի երկրների համար: Չնայած, որ այն աճել է վերջին երկու տարում, սակայն, գործակալությունը նրա հետագա կառավարման հետ կապված խնդիրներ չի տեսնում: 2011թ. հունիսի 30-ի դրությամբ Հայաստանի ընդհանուր պետական պարտքը կազմում է 1455,4 մլրդ դրամ, որից արտաքին պարտքը կազմում է 1269,8 մլրդ դրամ, ներքին պարտքը՝ 185,6 մլրդ դրամ:

Մեկուկես տարում Հայաստանի հավաքականի 37-ամյա մարզիչ Վարդան Մինասյանը ստեղծեց համերաշխ և կուռ թիմ, որը միշտ, դուրս գալով խաղադաշտ, ցուցաբերում է իսկական թիմային խաղ: Մարզչի մոտ նկատվում է առաջընթաց ապրելու և թիմն իր ետևից տանելու ցանկություն:

Հայաստանի, Ռուսաստանի և Ադրբեջանի նախագահների առաջիկա հանդիպումը Կազանում աննկարագրելի իրարարանցում է առաջացնում ինչպես Երևանում, այնպես էլ Բաքվում: Սակայն ինչո՞վ է տարբերվում այն նախկիններից: Ի՞նչ ակնկալել այդ հանդիպումից: Կստորագրվե՞ն արդյոք հանդիպմանը ինչ-որ փաստաթղթեր: Բոլոր այս հարցերը մի քանի շաբաթ շարունակ արդեն խանգարում են հայերի և ադրբեջանցիների հանգիստ քունը` անկախ սեռից, տարիքից մասնագիտությունից:

Աշխատանքային հայտարարություններ տարածող կայքերի քանակը Հայաստանում վերջին մի քանի տարիներին ավելացել է և շարունակում է ավելանալ։ Թե որքանով են օգտակար և հարմարավետ այս կայքերը թե՛ աշխատանք փնտրողի, թե՛ գործատուի համար, պարզել է PanARMENIAN.Net-ի թղթակիցը։

Հայաստանի մշակույթի նախարարության ենթակայության տակ այսօր գործում է երեք կառույց, որոնք զբաղվում են Հայաստանում հուշարձանների պահպանությամբ: Նրանց աշխատանքի բնույթը պրակտիկորեն չի տարբերվում: Բոլոր երեք կառույցներն էլ «պահպանում են» ՀՀ տարածքում գտնվող հուշարձանները: Ըստ ՀՀ օրենքի, այդ կառույցների կողմից պահպանվում են միայն այն հուշարձանները, որոնք գտնվում են ՀՀ պատմության և մշակույթի անշարժ հուշարձանների պահպանության պետական ցուցակում: Այսինքն, եթե որևէ արձան չի մտնում այդ ցուցակի մեջ, ապա այն չի կոչվում հուշարձան և չի վերահսկվում նրանց կողմից: