Անկարան չափազանց հիվանդագին է ընդունում այն ամենը, ինչ ուղղակի կամ անուղղակի կապված է Հայոց ցեղասպանության հետԲայց ամենահետաքրքիրն այն է, որ գրեթե ոչ ոք ուշադրություն չի դարձրել. օրինագիծն ուղղակի հետաձգվել է: Այն նույնիսկ չի դրվել քվեարկության Ֆրանսիայի Սենատի որոշումը Հայոց ցեղասպանության հերքումը քրեականացնելու մասին օրինագիծը հեաձգելու մասին սպասելի էր: Առաջին հերթին, նախագահական ընտրությունների նախօրեին նման օրենք ընդունելը որոշակի վտանգ է պարունակում իր մեջ: Երկրորդ, ինչպես արդեն ասվել է, Լիբիայում պատերազմն առանց Թուրքիայի աջակցության Ֆրանսիան դաշնակիցների հետ չի հաղթահարի: 6 մայիսի 2011 PanARMENIAN.Net - Բանը ոչ միայն ռազմավարական աջակցության մեջ է, այլ նաև նյութական՝ սպառազինությունների մատակարարում, ռազմական բազաներ, փախստականներ, որոնց կարող է ընդունել Թուրքիան: Հիշենք, թե ինչ դժվար էր ամերիկացիներին Իրաքում, երբ 2003-ին Թուրքիան համաձայնություն չտվեց ԱՄՆ բանակի համար սպառազինություններ տեղափոխելու համար: Վերջինը Եվրոպայի համար շատ կարևոր է, քանզի հակառակ դեպքոււմ Ֆրանսիայի և Իտալիայի հարավը կլցվի լիբիացիներով, որոնք առանց այդ էլ չափազանց շատ են: Եվս մի բան՝ Թուրքիայում նախընտրական քարոզարշավը: Եվրոպայի համար ավելի լավ է Արդարություն և զարգացում կուսակցությունը, քան ազգայնականները: Էրդողանն իր ողջ իմպուլսիվությամբ հանդերձ բավական կանխատեսելի քաղաքական գործիչ է, երբ խոսքը գնում է Եվրամիության և աշխարհիկ իշխանության մասին: Եթե հաշվի առնել այն, որ Փարիզի և Անկարայի միջև հարաբարությունները բնավ լավ չեն, ապա ստացվում է, որ օրինագիծը շանսեր չի ունեցել: Ֆրանսիան Թուրքիային չի տեսնում որպես ԵՄ անդամ և իր դիրքորոշումն ապագայում չի փոխելու: Հազիվ թե դա չէր հասկանում Ֆրանսիայի հայ համայնքը, բայց ավելորդ անգամ հանրության ուշադրությունը Հայոց ցեղասպանության նկատմամբ գրավելը չի խանգարում, նույնիսկ անհրաժեշտ է: Բայց ամենահետաքրքիրն այն է, որ գրեթե ոչ ոք ուշադրություն չի դարձրել. օրինագիծն ուղղակի հետաձգվել է: Այն նույնիսկ չի դրվել քվեարկության: Իսկ դա նշանակում է, որ Ֆրանսիայում նախագահական ընտրություններից հետո Ֆրանսիայի Սենատը կարող է ևս մեկ անգամ վերադառնալ այդ թեմային: Եթե հանկարծ հաղթեն սոցիալիստները, ապա Հայոց ցեղասպանության հերքումը քրեականացնող օրինագիծը կարող է ընդունվել: Ամեն դեպքում, հայերի ձայները ստանալու համար նա կխաղա որոշիչ փաստարկի դեր, ինչպես և ԱՄՆ-ում: Միաժամանակ, արդարադատության նախարար Միշել Մերսյեն Սենատի նիստից հետո հայտնել է, որ այս շաբաթվա վերջ երկրի բոլոր գլխավոր դատախազներին ուղարկվելու է շրջաբերական, որում պատիժ է նախատեսվելու հայկական համայնքի անդամներին վիրավորելու համար: Նա նաև հիշեցրել է, որ 2008-ից Ֆրանսիայում գործում է օրենք, որը պատիժ է նախատեսում ռասիստական արտահայտությունների համար:«Այդ օրենքի դրույթները քննարկվել են հայ համայնքի ներկայացուցիչների և նախագահ Սարկոզիի հանդիպման ժամանակ: Կառավարությունն անտարբեր չի մնալու, մեզ համար Հայոց ցեղասպանությունը ճանաչված փաստ է»,- ասել է Մերսյեն: Հիշեցնենք, որ բոլորովին վերջերս Ֆրանսիայում օրենք է ընդունվել հիջաբ կրելու արգելքի մասին: Իսկ եթե դրան գումարել Հայոց ցեղասպանության մասին օրինագիծը, ապա մահմեդական համայնքի համար այդ ամենը կարող է ուժեղ գրգռիչ դառնալ: Բայց ամենահետաքրիրն այն է, որ Սենատի կողմից հետաձգված օրինագիծը, ամենայն հավանականությամբ, ուղղված է աշխատությունների և ելույթների հրապարակմանը, որոնք կասկածի տակ են դնում Հայոց ցեղասպանության փաստը: Նման օրենք Հոլոքոսթի ժտխման մասին գործում է մի քանի երկրներում: Եվ դեռ պետք է ապացուցել, որ դրանք ուղղված են հենց Թուրքիայի դեմ: Ցավոք սրտի, Անկարան չափազանց հիվանդագին է ընդունում այն ամենը, ինչն ուղղակի կամ անուղղակի կապված է Հայոց ցեղասպանության հետ: Բայց որքան կարող է տևել ժխտման քաղաքականությունը, ոչ ոք չգիտի, նույնիսկ Անկարան… Կարինե Տեր-Սահակյան / PanARMENIAN News Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |