Հայաստանում 2009 թվականին տնտեսական անկումը կարող է կազմել 3-8 տոկոս14 ապրիլի 2009 - 21:30 AMT PanARMENIAN.Net - «Գոյություն ունեցող համաշխարհային տնտեսական ճգնաժամն անխուսափելիորեն կազդի երկրի սոցիալական ոլորտի վրա», ասել է Աշխատանքի եւ սոցիալական հարցերի նախարար Արսեն Համբարձումյանը «Հայաստանի վրա համաշխարհային տնտեսական ճգնաժամի սոցիալական ազդեցությունը» թեմայով խորհրդաժողովի ընթացքում: Նրա խոսքերով, սոցիալական ոլորտում տնտեսական ճգնաժամի հետեւանքների հաղթահարման համար անհրաժեշտ է միավորել շատ կառույցների ջանքերը:Ինչպես հաղորդել է Համբարձումյանը, վերջին տարիների ընթացքում տնտեսական աճը Հայաստանին հնարավորություն է ընձեռել եկամուտների ցածր մակարդակ ունեցող երկրից վերածվելու եկամուտների միջին մակարդակ ունեցող երկրի, ՀՆԱ-ի աճը դրական է ազդել նաեւ սոցիալական ոլորտի վրա: «Սակայն, գոյություն ունեցող համաշխարհային ճգնաժամը որոշ մարտահրավերներ է նետել երկրի տնտեսական զարգացմանը, եւ այսօրվա դրությամբ, վերանայման ենթակա են Կայուն զարգացման ծրագրի շատ ցուցանիշներ»: «Նախնական գնահատականերին եւ կանխատեսումներին համապատասխան, 2009 թվականին Հայաստանում տնտեսական անկումը կարող է կազմել 3-8 տոկոս», - ասել է Աշխատանքի եւ սոցիալական հարցերի նախարարը: Նրա խոսքերով, առավել լավատեսական կանխատեսումներ գոյություն ունեն այն առնչությամբ, որ տարին կհաջողվի ավարտել դրական ցուցանիշներով, սակայն, ակնհայտ է, որ ՀՆԱ-ի աճի նախատեսված 9,2 տոկոս ցուցանիշն անհասանելի է: Այդ առնչությամբ, Համբարձումյանը նշել է, որ աշխատանքի շուկայում եւ սոցիալական պաշտպանության ոլորտում կարձանագրվի լարվածության որոշ աճ: Սոցիալական իրավիճակի վրա ազդող հիմնական գործոններից նա առանձնացրել է աշխատատեղերի կրճատումը: Այլ գործոնների թվում նախարարը մատնանշել է սղաճը, գազի, ջրի եւ էլեկտրաէներգիայի սակագների բարձրացումը, ինչպես նաեւ սպառողական զամբյուղի որոշ հիմնական ապրանքների թանկացումը: Համբարձումյանը հաղորդել է, որ սոցիալական լարվածության սրմանը նպաստում է նաեւ օտարերկրյա տրանսֆերտների ծավալների կրճատումը: «Վերջին երեք ամիսների դինամիկան վկայում է այն մասին, որ այդ ցուցանիշը կրճատվել է մոտավորապես 25 տոկոսով», -ասել է նա: Այլ կարեւոր գործոնների շրջանում Համբարձումյանը նշել է նաեւ գրանցված գործազուրկների, ինչպես նաեւ աշխատանք փնտրող մարդկանց քանակի աճը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |