Հայաստանն ու Ռուսաստանը քննարկում են հայկական ավիաընկերություններին նոր ինքնաթիռների մատակարարման հնարավորությունը26 սեպտեմբերի 2009 - 14:51 AMT PanARMENIAN.Net - 2009 թվականի սեպտեմբերի 25-ին Յարոսլավ քաղաքում տեղի է ունեցել Ռուսաստանի Դաշնության եւ Հայաստանի Հանրապետության միջեւ տնտեսական համագործակցության միջկառավարական հանձնաժողովի 11-րդ նիստը: Հայկական պատվիրակությունը գլխավորել է Հանձնաժողովի հայկական մասի նախագահ, Հայաստանի վարչապետ Տիգրան Սարգսյանը, իսկ Ռուսաստանի պատվիրակությունը գլխավորել է Հանձնաժողովի ռուսական մասի նախագահ, ՌԴ տրանսպորտի նախարար Իգոր Լեւիտինը:Նիստի ընթացքում կողմերը քննարկել են տրանսպորտի, կապի եւ տեղեկատվական տեխնոլոգիաների բնագավառում համագործակցությանն առնչվող հարցեր: Որոշում էր կայացվել Հայաստանի Հանրապետության ավիաընկերություններին «Միավորված ինքնաթիռաշինական կորպորացիա» ԲԲԸ նոր ուղեւորատար եւ բեռնատար ինքնաթիռների համալիր մատակարարման հարցերին նվիրված փորձագիտական խորհրդակցության անցկացման մասին: Այսօրվա դրությամբ արդեն պայմանագիր է կնքվել հայկական «Արմավիա» ավիաընկերությանը երկու Sukhoi SuperJet 100 ժամանակակից ինքնաթիռի մատակարարման շուրջ: Բացի դրանից, նախապատրաստվել է «Գազպրոմ նավթ» ԲԲԸ եւ Հայաստանի կառավարության միջեւ ՀՀ պաշտպանության նախարարությանն ու «Արմավիա» ավիաընկերությանն ավիավառելիքով ապահովելու մասին գլխավոր համաձայնագրի նախագիծը, հաղորդում է ՌԴ տրանսպորտի նախարարության լրատվական ծառայությունը: Հանձնաժողովի հաջորդ նիստը կկայանա Մոսկվայում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |