ԱՐՄԵՆԱԼ -ը գործարկել է ալյումինե փայլաթիթեղի հատման և շերտազատման գերարդյունավետ մեքենան25 հունվարի 2011 - 13:32 AMT PanARMENIAN.Net - Փայլաթիթեղագլանման ԱՐՄԵՆԱԼ գործարանը, որը մտնում է աշխարհում ալյումինի և կավահողի խոշորագույն արտադրող ՌՈՒՍԱԼ Միավորված ընկերության կազմի մեջ, սեփական ուժերով վերականգնեց և արդյունաբերական շահագործման հանձնեց փայլաթիթեղի հատման և շերտազատման գերարդյունավետ մեքենան: Ամերիկյան արտադրության մեքենան, որն ունակ է միաժամանակ կատարել երկու գործողություն, ԱՐՄԵՆԱԼ-ում տեղադրվել է համալիր արդիականացման ընթացքում, սակայն արտադրողները չկարողացան գործարկել այն, իսկ հնարավոր կապալառուները մեքենայի գործարկման համար պահանջեցին մինչև 1 մլն դոլար գումար: Աննախադեպ խնդիրը լուծեցին իրենք ԱՐՄԵՆԱԼի աշխատողները: Ձեռնարկությունում առկա պահուստային մասերից նրանք վերականգնեցին մեխանիկական և էլեկտրական մասերը, մշակեցին կառավարման համակարգի նախագիծը և ծրագրային ապահովումը: Ընդ սմին ընդհանուր ծախսերը կազմեցին լոկ 80 հազար դոլար: Վերականգնված մեքենան փոխարինում է տարբեր արտադրամասերում առանձին գործառող փայլաթիթեղի հատման և շերտազատման մեքենաները: Գրեթե 3 անգամ` 350-ից մինչև 1000 մետր րոպեում, ավելացել է հատման արագությունը, կրճատվել է էլեկտրաէներգիայի բացարձակ և տեսակարար ծախսը: Նորացված մեքենայի ևս մեկ կարևոր առավելությունը տեխնոլոգիական թափոնների նվազումն է, քանզի վերացել է գլանների ծայրերի կրկնակի հատման անհրաժեշտությունը` յուրաքանչյուր կողմից 10-20մմ, ինչը բարձրացրել է պիտանի արտադրանքի թողունակության գործակիցը մինչև 0,5 տոկոս: «Մեքենայի վրա տեղադրված շերտազարման-հատման կառավարման էլեկտրոնային համակարգը թույլ է տալիս հաշվարկել յուրաքանչյուր գլանի փայլաթիթեղի մետրաժը, ինչը հաճախ պահանջում են պատվիրատուները, և կարգավորում է փաթաթման խտությունը` որակի կարևոր ցուցիչը, որն ապահովում է լավ քանդումը և սառեցնող հեղուկ քսանյութի մնացորդների լիովին հեռացումը թրծման ժամանակ», - ասաց ԱՐՄԵՆԱԼի տեխնիկական տնօրեն Ալեքսանդր Ուստյուժանինը: Մեքենայի արտադրողականությունը հասնում է օրական 28-30 տոննա փայլաթիթեղի, որը 2 անգամ բարձր է հատման սովորական մեքենաների համանման ցուցանիշներից և կազմում է գործարանի արտադրանքի օրական նորմայի 30-35 տոկոսը: Արտադրության գծով գործարանի տնօրինության հաշվարկով 3 նման մեքենաները կարող են լիովին լուծել գլանների հատման հարցը: Ներկայումս այս խնդրի լուծման համար աշխատանքներ են տարվում հաստոցների վերակառուցման ուղղությամբ, որպեսզի առկա մեքենաների հիմքի վրա ստեղծվեն փայլաթիթեղի շերտազատման-հատման գերարդյունավետ մեքենաներ, հաղորդում է գործարանի մամլո ծառայությունը:
Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |