Հայաստանում գնաճը կտրուկ նվազել է, կարծում է ԱՄՀ ներկայացուցիչը15 ապրիլի 2011 - 14:07 AMT PanARMENIAN.Net - Արժույթի միջազգային հիմնադրամը (ԱՄՀ) կանխատեսում է գնաճի վերադարձ նպատակային միջանցք` հաստատված 2012-ին Հայաստանի Կենտրոնական բանկի կողմից: Այդ մասին Երևանում մամլո ասուլիսում հայտարարել է Հայաստանում ԱՄՀ մշտական ներկայացուցիչ Գիերմո Տոլոսան: «Հայաստանում մենք տեսնում ենք գնաճի կտրուկ նվազում, ինչը պայմանավորված է երեք հիմնական գործոններով»,- նշել է նա: Նրա խոսքերով, այդ գործոններից առաջինը Հայաստանում ներքին գների կայունացումն է արտաքին շուկաներում սննդամթերքի և վառելիքի միջազգային գների կայունացման հաշվին: Երկրորդ գործոնը Հայաստանի գյուղատնտեսությունում իրավիճակի բարելավումն է ավելի բարենպաստ կլիմայական պայմանների շնորհիվ: ԱՄՀ ներկայացուցչի խոսքերով, երրորդ գործոնը Հայաստանի կառավարության ճիշտ արձագանքն է անցկացվող քաղաքականության համատեքստում: Տոլոսան նաև մեկնաբանել է Հայաստանում վերջին օրենսդրական փոփոխությունները, որոնց համաձայն զգալիորեն ընդլայնվել են Հայաստանի Տնտեսական մրցակցության պաշտպանության պետական հանձնաժողովի (ՏՄՊՊՀ) լիազորությունները և կառավարությանն իրավունք է տրամադրվել առաջին անհրաժեշտության ապրանքների գնաճի դեպքում (30 տոկոս և ավելի) ինքնուրույն որոշել գները: Նա ողջունել է ՏՄՊՊՀ լիազորությունների ընդլայնումը, սակայն նշել է, որ գների կարգավորման վարչական մեթոդներն արդյունավետ չեն, և ԱՄՀ-ն չի պաշտպանում նման մեթոդները: «Որոշ դեպքերում պետության միջամտությունն արդարացված է, սակայն միջամտության աստիճանը պետք է համահունչ լինի շուկայի հիմնարար սկզբունքներին»,- ասել է նա: 2011-ին Հայաստանի պետբյուջեի համաձայն տնտեսական աճը նախատեսված է 4.6 տոկոսի մակարդակում, իսկ գնաճը` 4±1,5 տոկոսի: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Ավինյան․ «Վեոլիա ջրի» հետ պայմանագիրը կվերանայվի՝ ամեն բակում չենք կարող կոյուղու հարցով զբաղվել Ավինյանն անդրադարձել է առատ տեղումների արդյունքում քաղաքում առաջացած որոշակի խնդիրներին Սիմոնյան. Ռուսական կողմի նամակին պատասխան ուղարկվել է, իմ հայտարարությունների տերն եմ «Ինչ ասել եմ, ճիշտ եմ ասել, նոր բան չեմ ասել, տեղին եմ ասել և նույն բաները պատրաստ եմ այսօր և մշտապես ասել»,–հավելել է նա Մետրոն ավելի շուտ կսկսի աշխատանքը և ավելի ուշ կավարտի Գրաֆիկի փոփոխությունը կլինի մայիսի ն13–ից Կիրանցում սակրավորն ականի պայթյունից վնասվածք է ստացել Կիրանցում դարձյալ մեծ թվով ոստիկաններ կան, մուտքը դեպի Կիրանց փակ չէ |