«Յունիբանկ»-ը նախատեսում է պրոմո-կետեր բացել «Ֆայն», «Նիքս» և «Քոմփաս» խանութ-սրահներում 5 մայիսի 2011 - 14:46 AMT PanARMENIAN.Net - Ապրանքների ապառիկ վաճառքի վարկավորման պայմանների ներկայացման և տեղում հաճախորդներին անհրաժեշտ խորհրդատվություն մատուցելու նպատակով, «Յունիբանկ»-ը նախատեսում է պրոմո-կետեր բացել «Նիքս» (ք. Երևան, Սարյան 6-7), «Ֆայն» (ք.Երևան, Սարյան 12), և «Քոմփաս» (ք.Երևան, Սայաթ Նովա պող. 15) համակարգչային տեխնիկայի խանութ-սրահներում: Պրոմո-կետերի աշխատակիցները հաճախորդներին կպարզաբանեն վարկավորման գործընթացը և կօգնեն վարկային հայտի լրացման, ինչպես նաև փաստաթղթերի ներկայացման գործում: Նշված խանութներից համակարգչային տեխնիկա գնելու համար «Յունիբանկ»-ի կողմից տրամադրվող վարկերի տարեկան տոկոսադրույքը կազմում է սկսած 18 տոկոսից, ժամկետը` 24 ամիս, կանխավճարը` 0 տոկոս: Վարկի տրամադրման համար անհրաժեշտ է ներկայացնել դիմում, անձնագիր, սոցիալական քարտ և տեղեկանք աշխատավայրից: Վարկի տրամադրման վերաբերյալ Բանկի որոշման մասին հաճախորդը կարող է տեղեկանալ հայտը ներկայացնելուց հետո առավելագույնը 40 րոպեի ընթացքում: «Ինչպես գիտեք, Յունիբանկը ռազմավարության առաջնահերթ ուղղություն է ընդունել մանրածախ բիզնեսի զարգացումը: Իսկ դա, առաջին հերթին, ենթադրում է ֆիզիկական անձանց համալիր և որակյալ սպասարկման կազմակերպում: Այդ իսկ պատճառով, մենք, բացի մասնաճյուղային ցանցի շարունակական ընդլայնումից, ձեռնամուխ եղանք նաև պրոմո-կետերի բացմանը հենց առևտրի կետերում: Մինչև տարեվերջ նախատեսում ենք շեշտակի ավելացնել նմանատիպ կետերի քանակը` ներգրավվելով այլ ոլորտներում ևս»,- նշեց «Յունիբանկ»-ի մանրածախ բիզնեսի գծով տնօրեն Մեսրոպ Հակոբյանը: 2010թ.-ի արդյունքներով «Յունիբանկ»-ի վարկային ներդրումների 26,7 մլրդ դրամը կամ 35,5 տոկոսը կազմել են ֆիզիկական անձանց տրամադրված վարկերը: Սպառողական վարկավորման ոլորտ ուղղված Բանկի ներդրումների ծավալը կազմել է 24 մլրդ դրամ, ինչը ՀՀ բանկային համակարգի լավագույն ցուցանիշն է: Ներկա դրությամբ «Յունիբանկ»-ն ունի 35 մասնաճյուղ և ներկայացուցչություն Մոսկվայում, հաղորդում է բանկի մամլո ծառայությունը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |