  Հայաստանում միայն ջրամատակարարման համակարգի արդիականացման համար անհրաժեշտ է 1 մլրդ դոլար  15 հունիսի 2011 - 13:31 AMTPanARMENIAN.Net - Հայաստանում միայն ջրամատակարարման համակարգի արդիականացման համար անհրաժեշտ են 1 մլրդ դոլարի ներդրումներ, հունիսի 15-ին Երևանում մամլո ասուլիսում լրագրողներին ասել է «Հայջրմուղկոյուղի» ՓԲԸ-ի գլխավոր տնօրեն Պատրիկ Լորենը: Նրա խոսքերով, մինչև 2011-ը համակարգի արդիականացման մեջ ներդրվել է շուրջ 100 մլն դոլար, ավելին, սպասվում է, որ երկրի կառավարությունը, որն ընկերության 100 տոկոսանոց սեփականատերն է, վարկ է վերցնելու ևս 100 մլն դոլար առաջիկա 5 տարվա համար, ինչը թույլ կտա մինչև 2017-ը հասնել 17-ժամյա ջրամատակարարման ապահովման: Այս փուլում ընկերությունը Հրազդանում իրագործում է խոշոր ներդրումային նախագիծ, որն ավարտվելու է տարեվերջին, կան նաև մի շարք նախագծեր, որոնց ընթացքում հնարավոր է դառնալու լուծել ջրի մաքրման խնդիրը համապատասխան սարքավորումներ տեղադրելու հաշվին: Պատրիկ Լորենը հաղորդել է, որ այսօր «Հայջրմուղկոյուղին» սպասարկում է 37 քաղաք և 300 համայնք բացառությամբ Երևանի, Գյումրիի, Վանաձորի և Արմավիրի, որտեղ ջրամատակարարման տևողության միջին ցուցանիշը կազմում է 14 ժամ 2004-ի 6 ժամվա փոխարեն: 2004-ին մրցույթի արդյունքներով «Հայջրմուղկոյուղի» ՓԲԸ-ի կառավարող է դարձել ֆրանսիական «Սաուր» ընկերությունը, հետո պայմանագիրը երկարացվել է 2004- 2008թթ., հետո` 2008-2010թթ, իսկ երկարացման վերջնաժամկետը 2011 թվականն է: «Մենք բանակցություններ ենք վարում մինչև 2013-ը պայմանագրի ժամկետը երկարացնելու մասին»,- ասել է նա: Ինչ վերաբերվում է ջրի սակագներին, ապա գլխավոր տնօրենը հաղորդել է, որ 1 խմ արժեքը կազմում է 179.78 դրամ, հավելելով, որ սակագների բարձրացում առայժմ չի նախատեսվում:  Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր ՊՆ․ Զինծառայողների հարազատները ծանրոցներ ուղարկում են բացառապես կամավոր  Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում ենԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվելԲելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանումՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |
