Գրեթե 100 տարի առաջ Հայոց ցեղասպանության ընթացքում ավելի քան 1 մլն հայ է զոհվել: Հայ առաջնորդները ձերբակալվում և սպանվում էին: Տղամարդկանց աշխատեցնում էին, ասես վայրի կենդանիների, կանանց և երեխաներին ստիպում քայլել մինչև Սիրիայի երևակայական ճամբարներ, ուր Օսմանյան կայսրության ղեկավարների համոզմամբ նրանք երբեք չէին հասնելու:

Թուրքերի իրականացրած հայկական սպանդի 100-րդ տարելիցին Անկարան անում է հնարավոր ամեն ինչ, որպեսզի արդարացնի տեղի ունեցածը: Դա, սակայն, անհնար է շնորհիվ ամերիկյան դիվանագետի, որը նախքան սոցիալական մեդիան և առցանց տեսագրության հնարավորությունը կոչ էր անում իր հայրենակից ամերիկացիներին ուշադրություն դարձնել այս վայրագություններին, գրել է The Wall Street Journal-ի թղթակից Գորդոն Կրովիցը՝ Օսմանյան կայսրությունում ԱՄՆ դեսպան Հենրի Մորգենթաուի հայամետ գործունեության մասին հոդվածում, գրում է ArmenianGenocide100.org-ը:

The Times of Oman-ը հրապարակել է ամերիկացի իրավապաշտպան Արյեհ Նայերի հոդվածը, որում հեղինակը սեփական պատմությանն առերեսվելու քաջություն ունեցող երկրների օրինակներ է բերում և կոչ անում Թուրքիային նույնն անել:

Թուրքիան վատթարացրել է իր միջազգային կապերը Գերմանիայի և այլ դաշնակից երկրների հետ՝ նրանց սպառնալով այն բանի համար, որ նրանք ցեղասպանություն են որակել դար առաջ հայերի հանդեպ իրականացրած կոտորածները, Ստամբուլից հաղորդում է Deutsche Welle-ի թղթակից Թոմաս Զայբերթը, գրում է ArmenianGenocide100.org-ը:

Հայերի ցեղասպանությունը սկսվել էր 1915 թվականի ապրիլին և դրան հանգեցնող դրդապատճառներն այնպիսինն էին, ինչպիսիք այլ ցեղասպանությունների հանգեցնողներն են, The Huffington Post-ում հրապարակված Հայոց ցեղասպանության մասին հոդվածում գրել է Հոգեբանության պրոֆեսոր, Մասաչուսեթսի համալսարանի Խաղաղության և բռնության հոգեբանության դոկտորական ծրագրի հիմնադիր տնօրեն Իրվին Շտաուբը, գրում է ArmenianGenocide100.org-ը:

Ցավը ցավ է, ցավը 1 կամ 100 տարի չի ունենում, ասել է Ստամբուլի հայ համայնքի ներկայացուցիչ Թադեոս Բեբեքը թուրքական Bianet լրատվականին հարցազրույցում՝ խոսելով Հայոց ցեղասպանության, Թուրքիայում ապրող հայերի խնդիրների ու վախերի և իր գերդաստանի պատմության մասին, գրում է ArmenianGenocide100.org-ը:

Հայոց ցեղասպանության 100-րդ տարելիցի հիշատակման օրերին The Independent պարբերականը պատմում է աշխարհով մեկ էթնիկ և կրոնական խմբերի դեմ շարունակական վայրագությունների մասին՝ առանձնացնելով ցեղասպանթույան վտանգի մեջ այս օրերին ապրող 9 էթնիկ և կրոնական խումբ, գրում է ArmenianGenocide100.org-ը:

Պատմական ճշմարտության մասին պատմելու ձևերը տարբեր են: Օրինակ, կարելի է համառոտ նկարագրել երևույթն ու մի քանի թիվ նշել, բայց որոշ ժամանակ անց զրուցակիցդ կմոռանա դա: Իսկ կարելի է հակառակը` պատմել սեփական ժողովրդի անցյալի մասին, թույլ տալով զրուցակցին ինքնուրույն զգալ, հասկանալ ու տեսնել երկիրն ու մարդկանց, որոնց պատմությունն այսուհետ ընդմիշտ կմնա նրա հիշողության մեջ: Ինչպես սեփական հիշողությունն է` շոշափելի ու հավերժական: Իսկ եթե զրուցակիցը մի մարդ է, որին վստահում են միլիոնավոր այլ մարդիկ, նա կկարողանա ճիշտ հասկանալ ու կիսվել նրանց հետ իր ապրումներով ու պատմությամբ, որն արդեն իրենն է դարձել: Հայոց ցեղասպանության մասին պետք է պատմել, ներկայացնելով ժողովուրդն ու երկիրը, որի մասին խոսվում է: Միայն այդ դեպքում մեր ցավը կդառնա դիմացինի սեփականությունը: Եվ միայն այդ դեպքում նա կպատմի այդ մասին մյուսներին:

Թուրքիայի Հաթայ և Սիրիայի Լաթաքիա նահանգների սահմանին, Յայլադաղ անցակետից ընդամենը 3 կմ դեպի արևմուտք հայերով և ալևիներով բնակեցված Քեսաբը ճիշտ մեկ տարի առաջ այս օրը՝ 2014-ի մարտի 21-ին, հարձակման ենթարկվեց:

Թուրքիայում ամռանը կայանալիք խորհրդարանական ընտրություններին ընդառաջ գործակցելու փոխադարձ ցանկություն են դրսևորում թուրքական կուսակցություններն ու տեղի հայ համայնքի ներկայացուցիչները: Ինչպես մարտին կայացած ՏԻՄ և օգոստոսին՝ նախագահական ընտրությունների ժամանակ, հայերն ակտիվ են հիմնականում քրդերով համալրված Ժողովուրդների դեմոկրատական կուսակցությունում (HDP). դրա կենտրոնական գործադիր խորհրդի անդամ Կարո Պայլանը ոչ միայն թեկնածությունը հաստատելու, այլև խորհրդարան անցնելու գործնական հնարավորություն ունի: