  Հայաստանում երիտասարդ գիտնականների դպրոց կկազմակերպվի29 մարտի 2012 - 13:32 AMT PanARMENIAN.Net - Միջազգային գիտատեխնիկական կենտրոնի հայաստանյան բաժանմունքն այս տարի երիտասարդ գիտնականների դպրոց կկազմակերպի: Այս մասին այսօր լրագրողների հետ հանդիպմանն ասաց Միջազգային գիտատեխնիկական կենտրոնի հայաստանյան բաժանմունքի տնօրեն Համլետ Նավասարդյանը: «Դպրոցը կանցկացվի Ծաղկաձորում այս տարվա հուլիսին: Նպատակն է երիտասարդ գիտնականներին աջակցել իրենց մշակումները հանրությանը ներկայացնելու ու կյանքի կոչելու գործում: Համապատասխան ժյուրին կընտրի շահող նախագծերը, որոնք հետագայում կիրագործվեն»,- նշեց նբանախոսը: Կենտրոնի տնօրենն ասաց, որ դպրոցում երիտասարդները կանցնեն համապատասախան դասընթացներ այն մասին, թե ինչպես ներկայացնել մշակումը, ինչպես պաշտպանել իրենց ինտելեկտուալ սեփականությունը, ինչպես ճիշտ գրել նախագծերը, ինչպես պատրաստել բիզնես պլան և այլն: Խոսելով կենտրոնի գործունեության մասին` Համլետ Նավասարդյանը նշեց, որ իրենք նաև հեռահար (օնլայն) ուսուցում են կազմակերպում: Դասընթացներ կկազմակերպվեն գործնական շփում, ներկայացման արվեստ, բիզնես ադմինիստրացիայի հիմունքներ, բիզնես պլանի մշակում և շատ այլ թեմաներով: PanARMENIAN.Net ի թղթակցին Համլետ Նավասարդյանը պատմեց, որ օնլայն դասընթացներին մասնակցելու համար ցանկացողները պետք է դիմեն իրենց, ստանան սերվերի համապատասխան տվյալներն ու ինքնուրույն անցնեն ուսուցումը. «Բոլոր կուրսերն անցկացվում են ռուսերենով և անվճար հիմունքներով: Մենք կազմակերպում ենք նաև օնլայն ուսուցումներ համապատասխան հրավիրված դասախոսների մասնակցությամբ»:   Ուշագրավ Բագրատ սրբազանը վաղ առավոտյան ուղևորվել է դեպի Կիրանց «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի   Ամենաընթերցվողը բաժնում |  Վերջին լուրեր «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է  Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիսԲաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրելԱմերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակումԱՆ․ Կիրանցում կադաստրի կողմից գրանցումները կատարվել են ոչ ճշգրիտ տվյալների հիմքով Նշվում է, որ այդ գրանցումները չեն կարող իրավական հիմք հանդիսանալ |
