ՀՀ նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ն իրականացնում է «Ինչպես պաշտպանել կայքը DDOS հարձակումից» թեմայով կրթական դասընթաց (սեմինար):

Ինչպես PanARMENIAN.Net-ին տեղեկացնում են ՀՀ նախագահի աշխատակազմի «Հանրային կապերի և տեղեկատվության կենտրոն»-ից` սեմինարն անցկացնելու են տեղեկատվական-տեխնիկական անվտանգության ոլորտի փորձառու մասնագետներ:

Սեմինարն կազմակերպվում է հաշվի առնելով լրատվամիջոցների ներկայացուցիչների կողմից ցուցաբերվող հետաքրքրությունը, ինչպես նաև հետսովետական երկրներում ընթացող քաղաքական գործընթացներին զուգահեռ համացանցային ռեսուրսների գործունեությանը ապօրինի տեխնիկական միջոցներով միջամտելու ավանդույթը:

Դասընթացը տեղի կունենա մայիսի 2-ին, ժամը 13:00-ին, «Կոնգրես» հյուրանոցում: