«Առէկսիմբանկ-Գազպրոմբանկի խումբը» շարունակելու է իր նվաճումները31 օգոստոսի 2012 - 20:25 AMT PanARMENIAN.Net - Օգոստոսի 31-ին Երևանում կայացել է «Առէկսիմբանկ-Գազպրոմբանկի խումբ» ՓԲԸ գլխամասային գրասենյակի բացման պաշտոնական արարողությունը, որին մասնակցել է «Գազպրոմբանկի» պատվիրակությունը: Վերջինս Ռուսաստանի խոշորագույն բանկերից է, Առէկսիմբանկի միակ բաժնետերը: Միջոցառմանը մասնակցել են ՀՀ ԿԲ նախագահ Արթուր Ջավադյանը, կոմերցիոն բանկերի ղեկավարներ, գործընկերներ և հաճախորդներ: Նոր գլխամասային գրասենյակը տեղակայված է Երևանի կենտրոնում` Հյուսիսային պողոտայում: Լրագրողների հետ զրույցում «Առէկսիմբանկի» գլխավոր տնօրեն Արմեն Խանդկարյանը հաղորդել է, որ բանկը հետագայում ևս մտադիր է զարգացնել իր ներդրումային գործունեությունը Հայաստանում: «Այսօր հանդիպել ենք ՀՀ վարչապետ Տիգրան Սարգսյանի հետ: Հանդիպմանը ներկայացվել են բանկի զարգացման ծրագրերը: Կան շատ հետաքրքիր մտքեր, որոնք ծրագրում ենք իրականացնել»,-ասել է նա: Իր հերթին «Գազպրոմբանկի» վարչության նախագահի տեղակալ` «Առէկսիմբանկ-Գազպրոմբանկ խմբի» Խորհրդի նախագահ Նիկոլայ Կորենևն ընդգծել է, որ բաժնետերը շարունակելու է ներդրումներ կատարել Հայաստանի տնտեսությունում, մասնավորապես` խոշոր նախագծերում: «Մենք առաջնորդվում ենք խելամիտ բավարարվածությամբ, և այսօրվա դրությամբ դա լավ արդյունքներ է տալիս»,-ընդգծել է նա:Նիկոլայ Կորենևը նաև ընդգծել է, որ ՀՀ վարչապետի հետ հանդիպումը, մասնավորապես, ներկայացվել են առանձին ուղղություններ, որոնցով բանկը կարող է ակտիվորեն աշխատել: «Ամեն ինչ կախված է հանրապետության, բանկի և նախագծերի պահանջներից»,-ասել է նա: Իր հերթին «Գազպրոմբանկի» ղեկավարության փոխնախագահ, «Առէկսիմբանկի» Խորհրդի փոխնախագահ Ալեքսանդր Մուրանովը հավելել է, որ աճի տեմպերով «Առէկսիմբանկ-Գազպրոմբանկի խումբը» Հայաստանի բանկային համակարգի առաջատարն է, «հենց սա էլ ցանկանում ենք պահպանել»: Ինչ վերաբերում է մրցակցային ծրագրերին, ապա, ըստ նրա, Ռուսաստանում «Գազպրոմբանկն» իրականացնում է դրանք, այդ թվում` ենթակառուցվածքային ֆինանսավորում: Այսօրվա դրությամբ «Առէկսիմբանկ-Գազպրոմբանկի խումբ» ՓԲԸ երկրի ֆինանսական շուկայում խոշորագույն բանկերից է, որի վարկային պորտֆելը կազմում է 90 մլրդ դրամ, ակտիվները` ավելի քան 116 մլրդ դրամ: Բանկը սպասարկում է ավելի քան 85 հազար հաճախորդների: «Գազպրոմբանկը» Հայաստանի տնտեսությունում ներդրել է 185 մլն դոլար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |