ԱՄՆ կոնգրեսական. Միացյալ Նահանգները շատ անհանգստացած են Սաֆարովի ազատ արձակմամբ 7 սեպտեմբերի 2012 - 16:58 AMT PanARMENIAN.Net - Սեպտեմբերի 6-ին ԱԳ նախարար Էդվարդ Նալբանդյանն ընդունեց տարածաշրջանային այցի շրջանակներում Երևան ժամանած ԱՄՆ ներկայացուցիչների պալատի արտաքին հարաբերությունների Եվրոպայի և Եվրասիայի հարցերով ենթահանձնաժողովի նախագահ Դեն Բարթընին, հայտնում է ԱԳՆ մամլո ծառայությունը: Ողջունելով հյուրին՝ ԱԳ նախարարը գոհունակությամբ նշեց, որ ԱՄՆ և Հայաստանի միջև երկկողմ համագործակցությունը արձանագրում է իր պատմության մեջ ամենաբարձր մակարդակը, ներառելով բազմաթիվ ոլորտներ: Նախարարը մեծապես կարևորեց օրենսդիր մարմնի ներկայացուցիչների փոխայցելությունները: Դեն Բարթընը, շնորհակալություն հայտնելով ընդունելության համար, իր հերթին շեշտեց, որ լինելով Եվրոպայի և Եվրասիայի հարցերով ենթահանձնաժողովի նախագահ՝ ուշադրության կենտրոնում է պահում տարածաշրջանին առնչվող խնդիրները և ուրախ է Երևան այցելելու և Հայաստանի իշխանությունների հետ միջազգային օրակարգի տարբեր հարցեր քննարկելու հնարավորության համար: Զրուցակիցները մտքեր փոխանակեցին Հարավային Կովկասում և հարակից տարածաշրջաններում տեղի ունեցող զարգացումների վերաբերյալ: Անդրադառնալով Ռամիլ Սաֆարովի ազատ արձակման ադրբեջանա-հունգարական գործարքին, Էդվարդ Նալբանդյանը նշեց, որ դրան միջազգային հանրության կողմից տրված միահամուռ գնահատականը հստակ ուղերձ է պարունակում Ադրբեջանի իշխանություններին, որոնք իրենց սադրիչ գործողություններով լուրջ վնաս են հասցնում տարածաշրջանային անվտանգությանը: Այս ենթատեքստում կոնգրեսական Բարթընն ընդգծեց, որ Միացյալ Նահանգներն շատ անհանգստացած են Սաֆարովի ազատ արձակմամբ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել Քննչական կոմիտեի փորձաքրեագիտական կենտրոն կստեղծվի ՊՈԱԿ-ն ունենալու է նաև տարածքային ստորաբաժանումներ ՀՀ մարզերում, ընդհանուրը՝ 90 հաստիքային միավոր |