  Լիտվայի Սեյմի պատգամավորական խումբը դատապարտել է Սաֆարովի ներումը 13 սեպտեմբերի 2012 - 12:01 AMT PanARMENIAN.Net - ՀՀ ԱԺ փոխնախագահ, Լիտվա-Հայաստան պատգամավորական բարեկամական խմբի համանախագահ Էդուարդ Շարմազանովը հեռախոսազրույց է ունեցել խմբի լիտվական կողմից համանախագահ Ալգիս Կաշետայի հետ` բարձր գնահատելով Ռամիլ Սաֆարովին Ադրբեջանի նախագահի կողմից ներում շնորհելու վերաբերյալ Լիտվայի Սեյմի մի խումբ պատգամավորների` միջազգային հանրությանն ուղղված հայտարարությունը: Հայտարարությունը ստորագրած պատգամավորները, այդ թվում` Ալգիս Կաշետան, Կեստուտիս Մասյուլիսը, Դալյա Կուոդիտեն, Դանգուտե Միկուտյենեն, Պյետրաս Լուոմանասը, իրենց խորին մտահոգությունն են հայտնել Ադրբեջանի իշխանությունների կողմից Սաֆարովին ներում շնորհելու կապակցությամբ, որին 2006 թ. ապրիլին Բուդապեշտի առաջին ատյանի դատարանը ցմահ բանտարկության էր դատապարտել Հայաստանի զինված ուժերի սպա Գուրգեն Մարգարյանի սպանության համար: Սեյմի անդամների խումբը համոզմունք է հայտնել, որ Ռ.Սաֆարովին ներում շնորհելը կարող է հանգեցնել նման հանցագործությունների կրկնության, այն հակասում է միջազգային չափանիշներին եւ կարող է խափանել Ադրբեջանի ու Հայաստանի միջեւ ընթացող Լեռնային Ղարաբաղի հակամարտության խաղաղ կարգավորման գործընթացը: ԱԺ փոխնախագահը հեռախոսազրույցում նշել է, որ ՀՀ Ազգային ժողովում բարձր են գնահատում լիտվացի գործընկերների համարժեք արձագանքը, որով նրանք միանում են այն ժողովրդավարական ու համամարդկային արժեքներին հավատարիմ միջազգային հանրությանը, որն իր դատապարտող խոսքը հնչեցրեց ադբեջանական իշխանությունների հակաիրավական գործողությունների առնչությամբ, հայտնում է ԱԺ հասարակայնության եւ տեղեկատվության միջոցների հետ կապերի վարչությունը:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Փաշինյանը` ՀՀ նպատակների մասին․ Թուրքիայի և Ադրբեջանի հետ թշնամության կառավարում, նվազեցում, զրոյացում  Նա ասել է, որ այս համատեքստում կառավարությունը հատուկ կարևորություն է տալիս «Խաղաղության խաչմերուկ» նախագծինՓաշինյան․ Սահմանազատումն արվում է ԽՍՀՄ վերջին քարտեզների հիման վրա, 1988–ի սահմանազատումն իրավական ուժ չունի Նա, սակայան, չի նշել, թե կոնկրետ որ թվականի քարտեզի մասին է խոսքըՓաշինյան․ Ալմաթիի հռչակագիրը խաղաղության պայմանագրում ներառելու հարցը կքննարկվի մայիսի 10-ին Վարչապետին հացրել են, թե ինչո՞ւ Բաքուն չի համաձայնում Ալմաթիի հռչակագիրը ներառել նաև խաղաղության պայմանագրումՄիրզոյան. Այդ «պինգ-պոնգ դիվանագիտությամբ» արդեն հաջողվել է համաձայնության գալ բազմաթիվ հարցերի շուրջ Նա նաև զգուշավոր լավատեսություն է հայտնել առաջիկայում Ալմաթիում սպասվող բանակցությունների առումով |
