Հանրապետության գլխավոր գանձապետ. Պետական մարմինների համար նախատեսված միջոցները վճարվել են ամբողջությամբ և ժամանակին

25 սեպտեմբերի 2012 - 19:29 AMT

PanARMENIAN.Net - Այսօր ՀՀ ԱԺ պետական-իրավական հարցերի և ֆինանսավարկային ու բյուջետային հարցերի մշտական հանձնաժողովների համատեղ նիստում Դավիթ Հարությունյանի և Գագիկ Մինասյանի նախագահությամբ քննարկվեցին իշխանության պետական և դատական մարմիններին 2011 թվականին հատկացված ֆինանսական միջոցների օգտագործման վերաբերյալ հաշվետվությունները:

ՀՀ ֆինանսների նախարարի տեղակալ-գլխավոր գանձապետ Ատոմ Ջանջուղազյանը, այնուհետև ոլորտների ներկայացուցիչները պատգամավորների քննարկմանը ներկայացրին կատարված ծրագրերի ու ծախսված միջոցների վերաբերյալ հաշվետվությունները:

Հանրապետության գլխավոր գանձապետ Ատոմ Ջանջուղազյանը նշեց, որ պետական մարմինների համար նախատեսված ֆինանսական միջոցները հաշվետու տարում վճարվել են ամբողջությամբ և ժամանակին: Առանձին դեպքերում, բյուջետային տեխնիկայով պայմանավորված, առկա տնտեսումներն ուղղվել են պահուստային ֆոնդ, որտեղից ֆինանսավորվել են նոր ծրագրեր:

Նախատեսված ծրագրերը հիմնականում կատարվել են 100 տոկոսով: Որոշ դեպքերում ծրագրի կատարողականը եղել է 100 տոկոսից ավելի, ինչը, ըստ ՀՀ գլխավոր գանձապետի, կատարվել է ի հաշիվ արտաքին աջակցության:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով