Ամերիկյան վերլուծաբան. ԱՄՆ-ն հետաքրքրված է ՀՀ հետ համագործակցությամբ` հակաիրանական քաղաքականություն վարելու նպատակով27 սեպտեմբերի 2012 - 21:05 AMT PanARMENIAN.Net - ԱՄՆ-ն հետաքրքրված է Հայաստանի հետ համագործակցությամբ` հակաիրանական քաղաքականություն վարելու նպատակով: Այս մասին գրում է Տրումանի Ազգային անվտանգության նախագծի վերլուծաբան Դենիել Գեյնորը: Իր հոդվածում Գեյնորը փորձում է պատասխանել այն հարցին, թե ինչու է ԱՄՆ-ն այնքան կարևորում Հայաստանի հետ համագործակցությունը: «Լավագույն բացատրությունը աշխարհագրական դիրքն է: 3 մլն բնակչություն ունեցող Հայաստանը, որը ելք չունի դեպի ծով, տեղակայված է, հնարավոր է, աշխարհի ամենաբուռն տարածաշրջանում: Սակայն Ամերիկայի տեսակետից, սա ԱՄՆ դաշնակցի համար ամենահարմար դիրքն է` Օբամայի արտաքին քաղաքականությունը վարելու համար: Հայաստանը սահամանակից է Թուրքիային, Ադրբեջանին, Վրաստանին, Իրանին: Որպես նախկին խորհրդային հանրապետություն, Հայաստանը հիմնվում է Ռուսաստանի վրա առևտրի և ռազմական աջակցության ոլորտներում: ԱՄՆ-ն իր հաշվարկներն ունի վերոհիշյալ բոլոր 5 երկրների հետ կապված, իսկ Հայաստանը տեսադաշտում է գտնվում որպես պոտենցիալ հզոր լծակ` ամերիկյան նպատակները ի կատար ածելու համար»,-կարծում է հեղինակը: Ըստ նրա, ԱՄՆ-ն ձգտում է ամրապնդել Հայաստանի դիրքը, որպեսզի նա դառնա ավելի հզոր դաշնակից տարածաշրջանում. «Քանի որ նախագահ Օբաման պատրաստվում է տնտեսապես մեկուսացնել Իրանին, պատժամիջոցներն ուղղված են նրան, որպեսզի երկու անգամ արժեզրկեն իրանական արժույթը, նա նաև պատրաստվում է ռեժիմը մեկուսացնել տարածաշրջանային ուղիներով: Հայաստանն այս ռազմավարությունում առանցքային դեր է կատարում»: Վերլուծաբանն ընդգծել է, որ ԱՄՆ հետ դաշնակցությունը կհեռացնի Հայաստանի այն փոքրաթիվ բարեկամներին, որոնք վերջինս ունի Հարավային Կովկասում: «Հայաստանը Ռուսաստանի հետ ռազմական համագործակցություն է ցանկանում, սակայն դրա հետ մեկտեղ` տնտեսական ելք դեպի արևմուտք: Տվյալ պահին Հայաստանն ունի երկու լավագույն բարեկամ` Ռուսաստանն ու Իրանը, որոնք երկուսն էլ ԱՄՆ հակառակորդներն են»,-գրել է Գեյնորը, հաղորդում է Ռոսբալթը: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |