 Հայկական ՀԿ-ները պատրաստ են համագործակցել իշխանությունների հետ`Սամցխե-Ջավախքի խնդիրների լուծման հարցում 9 հոկտեմբերի 2012 - 21:56 AMT PanARMENIAN.Net - Սամցխե-Ջավախքի հայկական հասարակական կազմակերպությունների խորհուրդը հանդես է եկել հայտարարությամբ` նվիրված Վրաստանի խորհրդարանական ընտրույթուններին: Հայտարարությունում, մասնավորապես, ասվում է. «Շնորհավորում ենք Վրաստանի ժողովրդին՝ բոլոր դժվարությունները հաղթահարելով իր ազատ կամք արտահայտելու առիթով, և «Վրացական երազանք» դաշինքին՝ հասարակության մեծամասնության վստահության քվեն ստանալու կապակցությամբ»։ «Հատկանշական է ոչ միայն ընդդիմադիր դիրքերից ընտրություններին մասնակցած «Վրացական երազանք» դաշինքին ի նպաստ հասարակության մեծամասնության կողմից քվեարկելու փաստը, այլ նաև՝ երկրի նախագահի կողմից այդ արդյունքներ ընդունելու փաստը։ Վարդերի Հեղափոխությունը մոտ տաս տարի անց՝ տվեց իր պտուղը. ժողովուրդը արտահայտեց իր կամքը և գործող իշխանությունը ենթարկվեց այդ կամքին։ Վրաստանի անկախությունից ի վեր, առաջի անգամ ստեղծվել են խաղաղ ու օրինական ձևով իշխանափոխություն կատարելու բոլոր նախադրյալները»,-ասվում է հայտարարությունում։ «Նույնքան հատկանշական է այն փաստը, որ պաշտոնական արդյունքների համաձայն, Սամցխե-Ջավախքում քվեարկությունը եղել է ի նպաստ իշխանությունների և նրանց կողմից առաջադրված մեծամասնական թեկնածուներին։ Հաշվի առնելով հասարակության մոտ առկա դժգոհությունը գործող իշխանությունների նկատմամբ, այս փաստը վկայում է մեր երկրամասում ստեղծված հալածանքի, սպառնալիքների ու վախի մթնոլորտի և ընդհանրապես ժողովրդավարության սկզբունքներից հեռու լինելու մասին։ Չնայած խորհրդարանում նոր մեծամասնությունը դեռևս պետք է իր արդյունավետ գործունեությունը ցույց տա, նոր մեծամասնության ղեկավարը անցած մի քանի օրերի ընթացքում հասցրեց հայերի նկատմամբ հակասական և մտահոգության տեղիք տվող մտքեր հրապարակել։ Այդուամենայնիվ, Սամցխե-Ջավախքի հայկական հասարակական կազմակերպությունների խորհուրդը երկրի քաղաքական և տնտեսական զարգացման համար այս կարևոր հանգրվանի շեմին՝ հայտարարում է իր լավատեսությունը, որ ընտրություններով սկսված փոփոխությունները կունենան իրենց շարունակությունը և ինչպես Վրաստանի ամբողջ հասարակության, այնպես էլ՝ մեր երկրամասի ժողովուրդի համար կբերեն իսկական բարեփոխումներ՝ քաղաքական, սոցիալ-տնտեսական, մշակութային, կրթական և հոգևոր բնագավառներում։ Մենք այս լավատեսությամբ հայտնում ենք մեր պատրաստակամությունը նորընտիր իշխանությունների հետ գործակցաբար՝ օբյեկտիվ, արդարացի և իրավականորեն լուծելու մեր երկրամասի բոլոր խնդիրները, հանուն Վրաստանի կայուն և ժողովրդավար զարգացման»,-իրենց հայտարարությունում նշել են խորհրդի ներկայացուցիչները։   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Վրաստանի խորհրդարանի կոմիտեն 3–րդ ընթերցմամբ ընդունել է «ռուսական» օրինագիծը․ Ցույցերը շարունակվում են  Ցուցարարները պարբերաբար վանկարկում էին «ստրուկներ» և պահանջում հետ կանչել օրինագիծըԵԱՀԿ նախագահ․ Պատրաստ ենք աջակցել ՀՀ-ին՝ ԵԱՀԿ անվտանգային բոլոր երեք ուղղությամբ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նաԱրսեն Թորոսյան․ Պետք է նաև մի 1700-ամյա առասպել էլ վերջնական և հիմնահատակ կոտրել «Միանգամից շատ ծանր բաժին է հասել մեր ժողովրդին»,–գրել է նաԲողոքի ակցիայի 151 մասնակից բերման է ենթարկվել Երևանում վաղ առավոտից անհնազանդության ակցիաներ են ընթնում, փողոցներ են փակվում |
