Հայոց ցեղասպանության 90-րդ տարելիցի կապակցությամբ Հայաստանում նախատեսվում է անցկացնել միջոցառումների մասշտաբային ծրագիր: Այս մասին այսօր կայացած մամուլի ասուլիսի ընթացքում հայտարարել է Հայաստանի արտգործնախարար Վարդան Օսկանյանը: Նրա խոսքերով` միջոցառումների ծրագրում մեկնարկային կդառնա Հայաստանի գիտությունների ազգային ակադեմիայի կողմից կազմակերպված «Հայոց ցեղասպանություն. իրողություն եւ դատապարտում» թեմայով համաժողովը, որը կանցկացվի ապրիլի 18-19-ը: Ինչպես նշել է Վ.Օսկանյանը, ապրիլի 20-21-ը Երեւանում կանցկացվի «Ծանր հանցագործություն, ծանր մարտահրավեր: Մարդու իրավունքները եւ ցեղասպանություն» միջազգային համաժողովը: Նրա խոսքերով` հիմնական միջոցառումը կլինի 1,5 միլիոնանոց երթը դեպի Ծիծեռնակաբերդ եւ ծաղկեպսակների դնումը ցեղասպանության զոհերի հուշահամալիրին: Ինչպես նշել է Վ.Օսկանյանը, Հայաստանում նախատեսված են նաեւ մշակութային միջոցառումներ: Այսպես, ապրիլի 23-ին Երեւանի օպերայի եւ բալետի թատրոնում կկազմակերպվի ցեղասպանության զոհերի հիշատակին նվիրված երեկո: Ինչպես նաեւ ապրիլի 18-30-ը «Մոսկվա» կինոթատրոնում կցուցադրվեն ցեղասպանության վերաբերյալ ֆիլմեր: