Ուսանողները կառավարությունից պահանջելու են իրենց համար մետրոյի ուղեվարձը զեղչել ու իջեցնել ուսման վարձը12 նոյեմբերի 2012 - 18:18 AMT PanARMENIAN.Net - ՀՅԴ «Նիկոլ Աղբալյան» ուսանողական միությունը նոյեմբերի 15-ին բողոքի երթ է կազմակերպում ուսանողության մի շարք խնդիրների` ուսման վարձավճարների, կրթաթոշակների, ուսանողական ճաշարանների, տրանսպորտային զեղչերի մասին բարձրաձայնելու նպատակով: PanARMENIAN.Net ի թղթակցի հետ զրույցում միոության ատենապետ Գերասիմ Վարդանյանն ասաց, որ դրանք այն խնդիրներն են, որոնք տարիներ շարունակ լուծում չեն գտնում: «Քանի որ նոյեմբերի 17-ն ուսանողների միջազգային օրն է, մենք փորձում ենք դրան ընդառաջ կառավարության ուշադրությունն ուղղել մեր խնդիրներին», - ասաց Գերասիմ Վարդանյանը: Երթի մասնակիցները կառավարությանն են հանձնելու ուսանողության պահանջներն ամփոփող ուղերձ և առաջարկների փաթեթ հետևյալ պարունակությամբ` 1. Ուսանողների համար մետրոպոլիտենում ներդնել զեղչով մշտական տոմսերի համակարգ: 2. Մարզպետների վրա դնել տվյալ մարզի ուսանողների հաշվառման և տրանսպորտային փոխադրման կազմակերպման պարտականություն: 3. Բուհերի գործառույթների մեջ ներառել ուսանողական ճաշարանների ստեղծում՝ շահույթ չհետապնդող կազմակերպությունների կարգավիճակով: 4. Ուսման վարձի չափը պայմանավորել երկրում առկա որոշակի ցուցանիշներով: Ուսման վճարի չափը պետք է համադրելի լինի պետական պատվերի շրջանակներում տվյալ մասնագիտության գծով պետության կողմից ուսանողի համար կատարվող ծախսերին: 5. Ձևավորել ուսանողական նվազագույն զամբյուղ, որին համապատասխան սահմանել կրթաթոշակ և հետագայում ինդեքսավորել այն: 6. Ուսումնադասախոսական կազմին ներառել կառավարության ներդրած սոցիալական փաթեթում: 7. Ստեղծել հավասար պայմաններ ուսանողների քաղաքական գործունեության համար: Երթը արտոնված է և մեկնարկելու է ժամը 12:00-ին, ՀՊՃՀ կենտրոնական մասնաշենքի դիմահայաց տարածքից: Երթուղին հետևյալն է` ՀՊՃՀ – Ուսանողական այգի – Աբովյան փողոց – Կորյունի փողոց – Նալբանդյան փողոց – Ալեք Մանուկյան փողոց – Վարդանանց փողոց – Խանջյան փողոց – Տիգրան Մեծի պողոտա – Հանրապետության Հրապարակ – կառավարության շենք: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Ավագանու անդամները չեն կարողանա համատեղել իրենց պաշտոնը հանրային պաշտոնի և ծառայության հետ Նախագիծն ընդունվել է առաջին ընթերցմամբ ARARAT-ի հատուկ երեկո՝ նվիրված Ազնավուրի 100-ամյակին Դեռևս թատրոնի շեմից հյուրերն լիապես պարուրվում էին ազնավուրյան տրամադրությամբ Սիմոնյան. Անընդունելի է, երբ եկեղեցականը, եկեղեցին զբաղվում են քաղաքականությամբ՝ քաղաքականությունն առևտուր է «Անտարբեր նայելը և քաղաքական գործունեությամբ զբաղվելը տարբեր բաներ են»,–ասել է նա ԱԺ նախագահ․ 2026-ի ընտրություններում Տավուշի այդ գյուղերում ՔՊ-ն հաղթելու է շռնդալից կերպով «Հայաստանն իր քաղաքացիներից որևէ մեկին չի նեղացնելու, անտեր ու անտուն չի թողնելու»,–ասել է նա |