Էդուարդ Շարմազանովը հույս ունի, որ Ցեղասպանության 100-ամյակի նախաշեմին Լատվիան կճանաչի այն15 նոյեմբերի 2012 - 20:08 AMT PanARMENIAN.Net - ՀՀ Ազգային ժողովի փոխնախագահ Էդուարդ Շարմազանովը նոյեմբերի 15-ին ընդունել է Լատվիայի արտաքին գործերի նախարար Էդգարս Ռինկևիչսին: Նա ընդգծել է այն պատմական բարեկամական հարաբերությունները, որոնք առկա են երկու երկրների միջև: «Մենք Հայաստանում քաջ գիրտակցում ենք անկախության, ժողովրդավարության արժեքը, մեզ համար ժողովրդավարությանն այլընտրանք չկա»,-նշել է ԱԺ փոխնախագահը: Շարմազանովը հավաստիացրել է, որ Հայաստանը հաստատակամորեն ընտրել է եվրաինտեգրման ճանապարհը, կարևորում է Արևելյան գործընկերության քաղաքականությունը, և որքան խորացնում ենք ժաղովրդավարությունը, այնքան մեծանում է համագործակցության աստիճանը: Այս համատեքստում նա Հայաստանի համար կարևորել է եվրաինտեգրման լատվիական փորձը նշելով, որ ակնկալվում է սերտ համագործակցություն: Երկկողմ հարաբերություների հետագա ամրապնդման գործում նա կարեւորել է միջխորհրդարանական կապերի աշխուժացումը: Նշելով, որ գալիք տարի ծրագրված է ՀՀ Ազգային ժողովի նախագահի այցը Լատվիա, Շարմազանովը, որպես Հայաստան-Լատվիա միջխորհրդարանական բարեկամական խմբի նախագահ, ընդգծել է նաև համագործակցության ծավալման անհրաժեշտությունը բոլոր մակարդակներով: Հիշեցնելով, որ դեռևս 2005 թվականին Լատվիայի խորհրդարանում քննարկվել է Հայոց ցեղասպանության վերաբերյալ բանաձև, որի օգտին քվեարկել է շուրջ յոթ տասնյակ պատգամավոր, ապա ուղարկվել խմբագրման, ԱԺ փոխնախագահը հույս է հայտնել, որ Ցեղասպանության 100-ամյակի նախաշեմին, Լատվիան կմիանա այն երկրների թվին, որոնք իրենց դատապարտող խոսքն են ասել մարդկության հանդեպ գործած այդ ոճրագործության առնչությամբ: Շնորհակալություն հայտնելով ջերմ ընդունելության համար, Լատվիայի արտաքին գործերի նախարար Էդգարս Ռինկևիչսին նշել է, որ քաղաքական առումով Հայաստանի և Լատվայի միջև հաստատված են շատ լավ հարաբերություններ, որոնց զարգացմանը նպաստում են ինչպես եղած ընդհանրությունները, այնպես էլ ամենատարբեր մակարդակներում երկկողմ այցելությունները: Նա ևս կարեւորել է միջխորհրդարանական կապերի աշխուժացման անհրաժեշտությունը բոլոր ուղղություններով: Հանդիպման ընթացքում կողմերն անդրադարձել են նաև տարածաշրջանային խնդիրներին, հայ-թուրքական հարաբերություններին, Հայաստանում առաջիկա նախագահական ընտրություններին և երկկողմ հետաքրքրություն ներկայացնող այլ հարցերի: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Փաշինյան․ Սահմանազատումով վերարտադրվում է ՀՀ պետսահմանը, զիջում անվանելն անտրամաբանական է Նա նշել է, որ 1991–ի դրությամբ դե-յուրե գոյություն ունեցող սահմանները Հայկական ԽՍՀ-ի և Ադրբեջանական ԽՍՀ-ի միջև սահմաններն են Փաշինյան․ Պապ թագավորն այլևս չի սպանվելու՝ ինչ վեղար էլ հագնեն, քանի կգ-անոց խաչ էլ դոշներից կախեն Նա ասել է, որ այսօրվա ՀՀ–ն Պապ թագավորի երազանքի իրագործումն է Մոլդովան առաջին երկիրն է, որն անվտանգության և պաշտպանության համաձայնագիր է ստորագրել ԵՄ-ի հետ Բորելն ընդգծել է, որ ԵՄ–ն կշարունակի սատարել Մոլդովային ԵՄ–ին անդամակցելու ճանապարհին Սերժ Սարգսյան․ Վերադառնալու ցանկություն չունենք՝ կսատարենք Բագրատ սրբազանի առաջարկած վարչապետի թեկնածուին Նա հայտարարել է, որ իրենք ամբողջովին սատարում են այս շարժմանը |