Հունվարի 1-ից ID քարտը պարտադիր կլինի էլեկտրոնային ստորագրություն ստանալու համար  5 դեկտեմբերի 2012 - 15:39 AMTPanARMENIAN.Net - PanARMENIAN.Net ն այսօր ահազանգ ստացավ այն մասին, որ Երևան քաղաքի հարկային տեսչություններից մեկում գործատուից ID (նույնականացման) քարտ են պահանջել: Տեսչությունում հայտնել են, որ բոլոր գրանցված կազմակերպությունների տնօրեններն ու գործատուները հաջորդ տարի որևէ գործարք իրականացնելու համար պետք է պարտադիր կերպով ունենան ID քարտ: PanARMENIAN.Net ը փորձեց պարզել` արդյո՞ք ID քարտ ունենալն արդեն պարտադիր պայման է ցանկացած դեպքում: Երևան քաղաքի անձնագրային բաժանմունքներից մեկում տեղեկացրեցին, որ ID քարտի ստացումը դեռևս պարտադիր չէ, իսկ պարտադրման հնարավոր ժամկետների առնչությամբ հայտնեցին, որ իրավասու չեն նման տեղեկատվություն տրամադրել` խորհուրդ տալով դիմել ՀՀ Ոստիկանություն: ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը նշեց, որ ID քարտերի ստացումը երբևէ պարտադրված չի եղել: «Նույնականացման քարտ ունենալը 2013թ. հունվարի 1-ից պարտադիր է լինելու միայն էլեկտրոնային ստորագրություն ստանալու համար»,- նշեց նա` հղում տալով ՀՀ կառավարության ընդունած «Եկամտային հարկի մասին» նոր օրենքին: «Եկամտային հարկի մասին» ՀՀ նոր օրենքն ուժի մեջ կմտնի 2013թ. հունվարի 1-ից, և համաձայն այդ օրենքի` բոլոր գործատուները 2013թ. հունվարի 1-ից պետք է ձեռք բերեն նույնականացման քարտ և էլեկտրոնային ստորագրություն` էլեկտրոնային եղանակով եկամտահարկի հաշվետվությունները ներկայացնելու համար: Հայաստանի Պետեկամուտների կոմիտեից PanARMENIAN.Net ին հայտնեցին, որ այդ հարցի պատասխանը ստանալու համար անհրաժեշտ է գրավոր հարցում ուղարկել, ինչն արդեն արել ենք: Հարցումն ընթացքի մեջ է:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Բաժիններ թեմայով Վերջին լուրեր Գրավյալ Արցախում տոնելու են ռուս խաղաղապահների դուրսբերումը․ Հանդիսավոր արարողություն է լինելու  Հարթակում, որտեղ անցնելու է միջոցառումը, տեղադրված են Ադրբեջանի և ՌԴ դրոշներՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նաԷրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին Հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցերԳիշերը բողոքի ակցիայի 5 մասնակից է ձերբակալվել Նրանք, ըստ իրավապաշտպանի, «Տավուշը հանուն հայրենիքի» շարժման ակտիվ աջակիցներ են |
