3 ահազանգ՝ վերջին 2 օրում. Դատապարտյալները կարում են բերաններն ու աչքերը16 հունվարի 2013 - 16:43 AMT PanARMENIAN.Net - Վերջին 2 օրում Հայաստանի տարբեր քրեակատարողական հիմնարկներից երեք ահազանգ է եղել: «Վանաձոր» ՔԿՀ-ում բերանը կարելու միջոցով անժամկետ հացադուլ է հայտարարել կալանավոր Շալիկո Մանուչարյանը, «Սևան» ՔԿՀ-ում բերանը կարել և հացադուլ է հայտարարել դատապարտյալ Կամո Պապյանը: Իսկ «Վանաձոր» ՔԿՀ-ի մեկ այլ դատապարտյալ՝ Արտակ Հակոբյանը, նամակ է ուղարկել լրատվամիջոցներին և հայտնել, որ կարել է աչքերը: Վերջին դեպքի հետ կապված Արդարադատության նախարարության ՔԿՀ վարչությունների մամուլի խոսնակ Գոռ Ղլեչյանը PanARMENIAN.Net ի թղթակցի հետ զրույցում վստահեցրեց՝«նման բան չկա»: Երեկ Մարդու իրավունքների պաշտպանի աշխատակազմի Լոռու տարածքային գրասենյակի աշխատակիցներն այցելել են «Վանաձոր» քրեակատարողական հիմնարկում բերանը կարելու միջոցով անժամկետ հացադուլ հայտարարած կալանավոր Շալիկո Մանուչարյանին: Կալանավորի հետ առանձնազրույցի ընթացքում Շալիկո Մանուչարյանը տարածքային գրասենյակի աշխատակիցներին հայտնել է, որ քրեակատարողական հիմնարկի պայմաններից, վարչակազմի վերաբերմունքից դժգոհություններ չունի, միայն բողոքում է իր գործի նախաքննության ընթացքից: PanARMENIAN.Net ի թղթակցի հետ զրույցում ՄԻՊ գրասենյակի մամուլի խոսնակ Նաիրա Կարմիրշալյանն ասաց, որ ՄԻՊ աշխատակիցները խոսել են Շալիկո Մանուչարյանի փաստաբանի հետ: Կալանավորը բերանը քանդելու ոչ մտադրություն չունի: «Սևան» քրեակատարողական հիմնարկում, ի նշան բողոքի բերանը կարած և հացադուլ հայտարարած դատապարտյալ Կամո Պապյանն այսօր քանդել է կարերը և դադարեցրել հացադուլը: Ըստ Գոռ Ղլեչյանի՝ դատապարտյալները գտնվում են բժիշկների հսկողության տակ: «Հրազդան» ՔԿՀ–ի դատապարտյալ Արտակ Հակոբյանի վերաբերյալ ՄԻՊ-ն առայժմ տեղեկություն չունի: Նաիրա Կարմիրշալյանն ասաց, որ հնարավորության դեպքում, գրասենյակի աշխատակիցներն այսօր կայցելեն նրան: Արտակ Հակոբյանի մասին հայտնի է այն, որ վերջինս բողոքում է ՔԿՀ-ի աշխատակիցների վերաբերմունքից: Նա պնդում է, որ իրեն ծեծել են: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա Ալմաթիում մեկնարկել է ՀՀ և Ադրբեջանի ԱԳ նախարարների ղեկավարած պատվիրակությունների հանդիպումը Մինչ հանդիպումը Միրզոյանին և Բայրամովին առանձին ընդունել է Ղազախստանի փոխվարչապետ, ԱԳ նախարար Մուրատ Նուրտլաուն Կոնջորյան. Չի ստացվելու զավթել իշխանությունը, անկախ նրանից՝ ինչ տեսքով կգան՝ մի օր փողկապով, մի օր վեղարով Նա ասել է, որ իրենք ժողովրդի տված մանդատով ձևավորված մեծասմանություն են ՀՀ և Ղազախստանի ԱԳ նախարարները շեշտել են սահմանազատման գործընթացում Ալմաթիի հռչակագրի նշանակությունը Անդրադարձ է կատարվել տարածաշրջանային տնտեսական ու տրանսպորտային փոխկապակցվածության հարցերին |