 Էդվարդ Նալբանդյանը Փարիզում կհանդիպի Էլմար Մամեդյարովի հետ, եթե դրա անհրաժեշտությունը լինի 24 հունվարի 2013 - 14:02 AMT PanARMENIAN.Net - Հայաստանի արտգործնախարար Էդվարդ Նալբանդյանը հունվարի 28-ին Փարիզում կհանդիպի ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ժակ Ֆորի (Ֆրանսիա) և Յան Քելիի (ԱՄՆ) հետ: Այդ մասին այսօր լրագրողների հետ հանդիպման ժամանակ հայտնեց Էդվարդ Նալբանդյանը: Ինչ վերաբերում է Փարիզում Հայաստանի և Ադրբեջանի արտգործնախարարների հնարավոր հանդիպմանը, Էդվարդ Նալբանդյանի խոսքով, եթե անհրաժեշտություն լինի, ապա նման հանդիպում կկայանա: Նախարարը տեղեկացրեց, որ երկու երկրների նախագահների մակարդակով հանդիպում առաջիկայում նախատեսված չէ: Էդվարդ Նալբանդյանը ևս մեկ անգամ հայտարարեց, որ բանակցություններին այլընտրանք չկա: «Թեև Ադրբեջան առիթը բաց չի թողնում ասելու, որ բանակցությունները ձախողվում են, սակայն չպետք է մոռանալ, որ դա առաջին հերթին Ադրբեջանի ապակառուցողական քաղաքականության պատճառով է»,- ասաց նա: Հիշեցնենք, որ ավելի վաղ Ադրբեջանի արտգործնախարար Էլմար Մամեդյարովը Բաքվում հայտարարել էր, որ Փարիզում հունվարի 28-ին կայանալու է երկու երկրների արտգործնախարարների հանդիպումը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
