Հայաստանի կապիտալի շուկայով հետաքրքրվում են ներդրողներ Շվեյցարիայից և Վրաստանից29 հունվարի 2013 - 12:36 AMT PanARMENIAN.Net - Այսօր ՆԱՍԴԱՔ ՕԷՄԷՔՍ Արմենիայում կայացավ «ՍԱՍ ԳՐՈՒՊ» ՍՊԸ-ի պարտատոմսերի ցուցակման արարողությունը: 2013թ. հունվարի 29-ից «ՍԱՍ ԳՐՈՒՊ» ՍՊԸ-ի անվանական արժեկտրոնային պարտատոմսերը ցուցակվել են ՆԱՍԴԱՔ ՕԷՄԷՔՍ Արմենիայի կողմից և ընդգրկվել Bbond ցուցակում: Ներդրումների ներգրավման նպատակն է «ՍԱՍ ԳՐՈՒՊ» ՍՊԸ ռիթեյլերական ցանցի ընդլայնումը մայրաքաղաքում: «ՍԱՍ ԳՐՈՒՊ» ՍՊԸ-ի գործունեության հիմնական ուղղությունը մանրածախ առևտուրն է: Դեռ մեկ ամիս առաջ «ՍԱՍ ԳՐՈՒՊ» ՍՊԸ-ն հայտարարել էր 10 ԱՄՆ դոլար անվանական արժեքով, 24 ամիս մարման ժամկետով և 10.1% տարեկան եկամտաբերությամբ 700,000 պարտատոմս թողարկելու մասին: Պարտատոմսերը բորսայում կշրջանառվեն SASGB1 բորսայական հապավմամբ: Պարտատոմսերի այս թողարկման տեղաբաշխումը իրականացրել է «Ամերիաբանկ» ՓԲԸ-ն, պարտատոմսերի տեղաբաշխումը տեղի է ունեցել 2012թ. դեկտեմբերի 6-ից մինչև 2013թ. հունվարի 10-ը: Ցանկացողները կարող են պարտատոմսեր ձեռք բերել 10 դոլարից մինչև 5 մլն ԱՄՆ դոլար: Ինչպես և ակնկալվում էր, մեծ է հետաքրքրությունը օտարերկրյա ներդրողների կողմից, որոնց բաժին է ընկնում 24 տոկոսը (ոչ ռեզիդենտներ), մնացած 76 տոկոսը՝ ռեզիդենտներ: «Ամերիբանկ» ՓԲԸ-ի ներդրումային բանկային գործառնությունների գծով տնօրեն Առնո Մոսիկյանը հայտնել է, որ առաջին անգամ Հայաստանի կապիտալի շուկայում հաջողվել է ներգրավել շվեյցարացի ներդրողների, կան ներդրողներ Ռուսաստանից, ինչպես նաև այլ երկրների հայկական համայնքների ներկայացուցիչներ: Առնո Մոսիկյանը վստահ է, որ Հայաստանը, որպես կապիտալի տարածաշրջանային շուկա, միանգամայն կայացած է: Իսկ ակտիվացման համար «Ամերիաբանկ» ՓԲԸ-ն ակտիվ բանակցություններ է վարում Վրաստանի մի շարք ինստիտուցիոնալ ներդրողների հետ, դրանց թվում են նաև բանկեր: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Օսթին. ԱՄՆ-ն չի կարող ենթադրություններ անել Ռայիսիի ուղղաթիռի կործանման պատճառների մասին Աշխարհի 8 երկրում սուգ է հայտարարվել Ռայիսիի մահվան կապակցությամբ Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել |