  Վ.Օսկանյանը տեղեկացրել է Լիտվայի ղեկավարին ԵՄ-ի եւ ՆԱՏՕ-ի հետ Հայաստանի համագործակցության մասին18 հոկտեմբերի 2005 - 13:46 AMT PanARMENIAN.Net - Հայաստանի արտգործնախարար Վարդան Օսկանյանը նախօրեին հանդիպել է Լիտվայի նախագահ Վալդաս Ադամկուսի հետ, հաղորդում է ՀՀ ԱԳՆ մամլո ծառայությունը: Հանդիպման ընթացքում կողմերը նշեցին Հայաստանի եւ Լիտվայի միջեւ երկկողմ հարաբերությունների հետագա զարգացման անհրաժեշտությունը եւ այս ուղղությամբ փոխադարձ շփումների կարեւորությունը: ՀՀ ԱԳ նախարարը կարեւորեց Եվրոպական Միության նոր հարեւանության քաղաքականության մեջ Հայաստանի առավել ներգրավվածությունն ապահովելուն ուղղված Լիտվայի աջակցությունը եւ եվրոպական կառույցներին անդամակցելու լիտվական փորձի փոխանակումը: Այս հարցերի համատեքստում կողմերը համաձայնության եկան միջազգային կազմակերպություններում Հայաստանի եւ Լիտվայի միջեւ հաստատված համագործակցությունը շարունակելու շուրջ:Վարդան Օսկանյանը դրական գնահատեց Լիտվայի դերը Բալթյան եւ Կովկասյան տարածաշրջանների միջեւ համագործակցության ծավալման եւ փորձի փոխանակման առումով: Այնուհետեւ ՀՀ ԱԳ նախարարը ներկայացրեց Եվրամիության եւ ՆԱՏՕ-ի հետ Հայաստանի համագործակցության ներկա ծրագրերը, ինչպես նաեւ Հայաստան-Թուրքիա հարաբերություններին առնչվող հարցերը: Անդրադարձ կատարվեց նաեւ տարածաշրջանային այլ խնդիրներին, մասնավորապես առկա հակամարտությունների կարգավորման ուղիներին: Վ. Օսկանյանը Լիտվայի նախագահին ծանոթացրեց Լեռնային Ղարաբաղի հակամարտության կարգավորման ներկա ընթացքին: Երեկոյան ԱԳ նախարարը հանդիպում ունեցավ Լիտվայի հայկական համայնքի ներկայացուցիչների հետ: Այսօր նախատեսված է Վ. Օսկանյանի հանդիպումը Լիտվայի ԱԳ նախարար Անտանաս Վալիոնիսի հետ, այցելություն Լիտվայի Ցեղասպանության թանգարան եւ ելույթ Վիլնյուսի միջազգային հարաբերությունների եւ քաղաքական գիտությունների ինստիտուտում:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
