 ԿԸՀ-ն գրանցեց ավագանու ընտրություններին մասնակցող քաղաքական ուժերի ցուցակները 29 մարտի 2013 - 16:07 AMT PanARMENIAN.Net - Կենտրոնական ընտրական հանձնաժողովն այսօր հերթական նիստում գրանցեց Երևանի ավագանու ընտրություններին մասնակցության համար ներկայացված վեց կուսակցության և կուսակցությունների մեկ դաշինքի ընտրական ցուցակները: ՀՀԿ-ն ներկայացրել է 195 թեկնածուով ցուցակ: Ցուցակի առաջին երեք հորիզոնականները զբաղեցնում են Երևանի գործող քաղաքապետ Տարոն Մարգարյանը, Հայաստանի շախմատի ակադեմիայի հիմնադիր-նախագահ, գրոսմայստեր Սմբատ Լպուտյանը, Երևանի ճարտարապետության և շինարարության պետական համալսարանի ռեկտոր, տեխնիկական գիտությունների դոկտոր, պրոֆեսոր Հովհաննես Թոքմաջյանը: «Բարգավաճ Հայաստան» կուսակցության ընտրական ցուցակում 194 թեկնածու կա: Ցուցակի առաջին երեք հորիզոնականները զբաղեցնում են ՀՀ արտաքին գործերի նախկին նախարար Վարդան Օսկանյանը, ՄԱԿ առաջնորդ Գուրգեն Արսենյանը, Առողջապահության նախկին փոխնախարար Աբրահամ Մանուկյանը։ «Հայ ազգային կոնգրես» կուսակցության ընտրական ընտրական ցուցակում ընդգրկված է 41 թեկնածու: Ցուցակի առաջին երեք հորիզոնականներում են` Երևանի նախկին քաղաքապետ Վահագն Խաչատրյանը, «Ժողովրդի իշխանություն» նախաձեռնության նախագահ, Հայաստանի պետական տնտեսագիտական համալսարանի դասախոս Զոյա Թադևոսյանը և ՀԱԿ մամուլի խոսնակ Արման Մուսինյանը: «Օրինաց երկիր» ցուցակում ընդգրկված է 105 թեկնածու: Ցուցակի առաջին երեք հորիզոնականներում են` Արտակարգ իրավիճակների նախարար, «Օրինաց երկիր» կուսակցության փոխնախագահ Արմեն Երիցյանը, ՕԵԿ վարչության անդամ Հովհաննես Շահինյանը, բանաստեղծուհի, ուսուցչուհի Սոֆյա Արթենյանը: ՀՅԴ-ի ընտրական ցուցակում ընդգրկված է 65 թեկնածու: Ցուցակի առաջին հորիզոնականում է ՀՅԴ Գերագույն մարմնի ներկայացուցիչ, Ազգային ժողովի ՀՅԴ խմբակցության ղեկավար Արմեն Ռուստամյանը, փոխներկայացուցիչներ` ՀՅԴ խմբակցության քարտուղար Աղվան Վարդանյանը և Արսեն Համբարձումյանը։ «Առաքելություն» կուսակցության ընտրական ցուցակում 29 թեկնածու է ներկայացված: Ցուցակի առաջին երեք հորիզոնականները զբաղեցնում են կուսակցության քաղխորհրդի անդամներ Մեսրոպ Առաքելյանը, Մանուկ Սուքիասյանը և Հրաչ Սարգսյանը: «Բարև Երևան» կուսակցությունների դաշինքի ցուցակում ընդգրկված է 64 թեկնածու: Ցուցակի առաջին երեք հորիզոնականներում են «Ժառանգություն» կուսակցության փոխնախագահ Արմեն Մարտիրոսյանը, վարչության անդամ Անահիտ Բախշյանը և «Մելտեքս» ՍՊԸ տնօրեն Մեսրոպ Մեսրոպյանը։ Երևանի ավագանու ընտրությունները նշանակված են մայիսի 5-ին: Ընտրություններին կգործեն 464 ընտրական տեղամասեր 13 ընտրատարածքներում:   Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված   Ամենաընթերցվողը բաժնում |  Վերջին լուրեր Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան  Սևանում տեղատարափ անձրև էԲայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համաՖրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութՓաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |
