Կմնա՞ ՀԺԿ-ն ՀԱԿ դաշինքի մեջ. ՀԺԿ նախագահն այդպես էլ չասաց, բայց արձանագրեց` ոչ մի դաշինք հավերժ չէ16 մայիսի 2013 - 13:56 AMT PanARMENIAN.Net - «Հայ ազգայի կոնգրես» դաշինքի շուրջ որոշակի խառնաշփոթ է առաջացել: Հայաստանի Ժողովրդական կուսակցության նախագահ Ստեփան Դեմիրճյանն արձանագրում է, որ ֆորմալ առումով ՀԱԿ դաշինքը կա, և ԱԺ ՀԱԿ խմբակցությունը ներկայացնում է դաշինքը, սակայն փաստացի դաշինքը չի գործում:ՀԱԿ դաշինքի նիստերին Ստեփան Դեմիրճյանը չի մասնակցել, քանի որ, ըստ նրա, դաշինքի նիստ տեղի չի ունեցել, դա չի կարելի համարել դաշինքի նիստ, պարզապես մի քանի կուսակցություններ հավաքվել են: Այսօր մամուլի ասուլիսի ժամանակ ՀԺԿ նախագահը նկատեց, որ դաշինքի որոշ անդամներ ցանկություն ունեն վերականգնել այն, դա նորմալ ցանկություն է: Ստեփան Դեմիրճյանը հերքեց մամուլում շրջանառվող տեղեկությունները, թե իրեն առաջարկ է եղել ղեկավարել ՀԱԿ դաշինքը: Նա հայտարարեց, որ իրենք պատրաստ են համագործակցել և ՀԱԿ դաշինքի, և Լևոն Տեր-Պետրոսյանի ղեկավարած ՀԱԿ կուսակցության: «Ժամանակը ցույց կտա ինչ կլինի, իհարկե ցանկալի կլիներ ամբողջ կազմով շարունակել գործել»,- ասաց նա Ստեփան Դեմիրճյանը հստակ չասաց` ՀԺԿ-ն շարունակելո՞ւ է մնալ ՀԱԿ դաշինքի կազմում, թե ոչ: Նա նաև չմանրամասնեց` մասնակցելո՞ւ են դաշինքի վերածնման գործընթացին, թե պարզապես սպասելու են հանգուցալուծումներին: «Ժամանակը ցույց կտա»,- այդ հարցերի վերաբերյալ Ստեփան Դեմիրճյանի միակ պատասխանն էր: Նա միայն հայտարարեց, որ իրենք այժմ չեն քննարկում ինչ-որ դաշինքեր ստեղծելու և առհասարակ նոր ձևաչափերի հարց: ՀԱԿ պատգամավորը հաստատեց, որ Նիկոլ Փաշինյանն ու Հրանտ Բագրատյանը խմբակցության նիստերին չեն մասնակցում: «Ոչ մի դաշինք էլ հավերժ չէ, եկեք ծայրահեղությունների մեջ չընկնենք: Միտում կա, ամեն ինչ բարդել ընդդիմության վրա: Այն կարող է ունենալ բացթողումներ, թերություններ, սակայն ստեղծված իրավիճակի միակ մեղավորը իշխանությունն է: Այս որակով իշխանությնունը փոփոխությություններ չի կարող իրականացնել»,- ասաց նա: Ստեփան Դեմիրճյանը չցանկացավ խոսել ՀՀՇ-ն վերագրանցելու նախաձեռնության մասին. «Թող ստեղծվի, հետո կխոսենք»։ Ինչ վերաբերում է ՀԺԿ-ին, ապա իրենք պատրաստվում են քայլեր ձեռնարկել կուսակցության ամրապնդման ուղղությամբ: Անդրադառնալով ընդդիմադիր ուժերին, նա նկատեց, որ ընդդիմությունը պետք է փորձի նոր լիցք հաղորդել իր գործունեությանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին ևս չեն թողնում գյուղ մտնել Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը Բագրատ Սրբազան. Հայաստանի կառավարությունն ու իր ղեկավարն անցել են ահաբեկnւթյան և տեռnրի Ավելի ուշ հայտնի դարձավ, որ ոստիկանները նրան թույլ չեն տալիս մտնել Կիրանց |