Ապրիլի 30-ի դրությամբ Հայաստանում գրանցվել է ՄԻԱՎ վարակի 1445 դեպք26 մայիսի 2013 - 11:57 AMT PanARMENIAN.Net - Մայիսի 25-ին, Հյուսիսային պողոտայում տեղի ունեցած Եվրոպայի օրվա ցուցահանդեսին մասնակցեց նաև ՄԻԱՎ-ով ապրող մարդկանց աջակցող «Իրական Աշխարհ, Իրական Մարդիկ» ՀԿ–ն: Եվրոպական միության աջակցությամբ այն իրականացնում է երկու ծրագիր՝ «Հարավային Կովկասի երկրներում և Ռուսաստանի Դաշնությունում ՄԻԱՎ-ի կանխարգելմանն ու ազդեցության նվազեցմանն ուղղված երկրների համագործակցություն» ծրագիրը «Վորլդ Վիժն Հայաստան»-ի, և «Ուժեղ հանրույթ գործընկերության միջոցով» ծրագիրը Արևելյան Եվրոպայի և Կենտրոնական Ասիայի ՄԻԱՎ-ով ապրող մարդկանց միության հետ համատեղ: «Իրական Աշխարհ, Իրական Մարդիկ» ՀԿ-ի ներկայացուցիչները, «Հետազոտվի՛ր և ապրի՛ր» խորագրի ներքո կոչ էին անում անցորդներին և ցուցահանդեսի մասնակիցներին հետազոտվել: Նրանք տեղեկատվություն տրամադրեցին ՄԻԱՎ վարակի, փոխանցման ուղիների մասին, նաև այն մասին, թե «ինչպես չի փոխանցվում ՄԻԱՎ-ը», ինչը կնպաստի ՄԻԱՎ-ով ապրող մարդկանց նկատմամբ խտրականության նվազեցմանը: Անցորդներից շատերը իրենց աջակցությունը ցուցաբերեցին՝ ստորագրելով ՄԻԱՎ-ով ապրող մարդկանց կյանքի պատմություններ և հակախտրական ուղերձներ պարունակող փոստային բացիկների վրա: Իսկ հակառետրովիրուսային բուժման հասանելիության շարունակականության ջատագովության նպատակով անցորդները, անձամբ միանալով ակցիային, խոստացան նամակ ուղարկել «Իրական Աշխարհ, Իրական Մարդիկ» ՀԿ-ի գրասենյակ՝ կառավարության ուշադրությունը ՄԻԱՎ վարակի բուժման հասանելությանը սևեռելու համար: Նշենք, որ ապրիլի 30-ի դրությամբ Հայաստանում գրանցվել է ՄԻԱՎ վարակի 1445 դեպք: Այս թիվն աճի միտում ունի. դեպքերից 228-ը գրանցվել է 2012թ.-ի ընթացքում, ինչն առավելագույնն է բոլոր նախորդ տարիների համեմատ: 2012 թվականի ընթացքում արձանագրված դեպքերի մոտ 62%-ը հայտնաբերվել է բուժաշխատողների նախաձեռնությամբ իրականացված հետազոտությունների արդյունքում՝ հիվանդության ուշ փուլերում: Նույն միտումը նկատնում է նաև այս տարի: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՀՀ և Ղազախստանի ԱԳ նախարարները շեշտել են սահմանազատման գործընթացում Ալմաթիի հռչակագրի նշանակությունը Անդրադարձ է կատարվել տարածաշրջանային տնտեսական ու տրանսպորտային փոխկապակցվածության հարցերին Օսկանյան. Անցումային շրջանի համար վարչապետի ամենահարմար թեկնածուն Բագրատ սրբազանն է Նա նշել է, որ Փաշինյանի հրաժարականի պահանջն արդար և կարելի է իրականացնել սահմանադրական ճանապարհով ԱՄՆ Պետդեպը ողջունել է ՀՀ և Ադրբեջանի ԱԳ նախարարների հանդիպումն անցկացնելու` Ղազախստանի առաջարկը «Մենք բազմիցս հայտարարել ենք, որ ոգևորված ենք Հայաստանի և Ադրբեջանի միջև մինչ օրս ձեռք բերված առաջընթացից»,–ասել են Պետդեպից Հունիսի 1–ից Վրաստան մտնող յուրաքանչյուր զբոսաշրջիկ պետք է բժշկական ապահովագրություն ունենա Կարգազանցների համար նախատեսվում է տուգանք |