Հայաստանն ու Ռումինիան առաջիկա տարիներին մտադիր են ապրանքաշրջանառությունը հասցնել 500 մլն եվրոյի

9 հուլիսի 2013 - 13:37 AMT

PanARMENIAN.Net - Հուլիսի 9-ին Երևանում մեկնարկեց հայ-ռումինական գործարար համաժողովը, որն անցնում է հայ-ռումինական առևտրատնտեսական, գիտատեխնիկական համագործակցության միջկառավարական հանձնաժողովի 4-րդ նիստի շրջանակներում: Համաժողովի կազմակերպիչներն են Զարգացման հայկական գործակալությունը և ՀՀ Արդյունաբերողների ու գործարարների միությունը:

Ռումինիայից Հայաստան է ժամանել ներկայացուցչական պատվիրակություն, որի կազմում են արդյունաբերության, բժշկության, զբոսաշրջության, ՏՏ, շինարարության, բանկային ոլոտրի, ավիացիայի, գեոֆիզիկայի, կոշիկի արտադրության ոլորտներում գործող 29 ընկերությունների ներկայացուցիչներ:

«Հայաստանն ու Ռումինիան չօգտագործված ներուժ ունեն առևտրատնտեսական հարաբերությունների զարգացման համար: Առաջիկա տարիներին նախատեսվում է ապրանքաշրջանառությունը հասցնել 500 մլն եվրոյի»,-հայտարարել է Ռումինիայի էկոնոմիկայի նախարար Վարուժան Ոսկանյանը:

Իր հերթին հայ-ռումինական միջկառավարական հանձնաժողովի համանախագահ, ՀՀ տրանսպորտի և կապի նախարար Գագիկ Բեգլարյանը ներկայացրել է Հայաստանի ներդրումային հնարավորությունները՝ նշելով, որ վերջին տարիներին երկրում զգալիորեն բարելավվել է գործարար մթնոլորտը:

Առաջնային ոլորտների թվում նախարարը նշել է ՏՏ-ն, զբոսաշրջությունը, գյուղատնտեսությունը և նրա կարևոր ճյուղը՝ վերամշակող արդյունաբերությունը, զարգանում են ենթակառուցվածքները, որոնք թույլ են տալիս կրճատել տրանսպորտային ծախսերը, ոսկերչությունն ու ադամանդագործությունը, որտեղ Հայաստանի ու ներդրողների համար մեծ հեռանկարներ են բացվում տարածաշրջանային և նույնիսկ համաշխարհային կենտրոն դառնալու առումով՝ ազատ տնտեսական գոտում աշխատանքի շնորհիվ: «Հուսով եմ, որ առաջիկայում մենք կլսենք ռումինացի ներդրողների հաջողության մասին Հայաստանում»,-ասել է նա:

Ստորագրվեց հուշագիր հայ-ռումինական կոմերցիոն և արդյունաբերական միության և ռումինա-հայկական երկկողմանի առևտրաարդյունաբերական պալատի միջև:

2012թ. ապրանքաշրջանառությունը երկու երկրների միջև կազմել է 88,6 մլն դոլար: Արտահանումը Հայաստանից Ռումինիա կազմել է 574,2 հազար դոլար, իսկ հակառակ ուղղությամբ՝ 88,1 մլն դոլար:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով