Եվրամիությունը բարկանում է, նշանակում է՝ ԵՄ-ն իրավացի՞ չէ 4 սեպտեմբերի 2013 - 17:48 AMT PanARMENIAN.Net - Ըստ ամենայնի, ԵՄ-ն դժգոհ է Մոսկվայում ստորագրված փաստաթղթից, համաձայն որի Հայաստանը մտադիր է անդամակցել Մաքսային միությանը: Ըստ Եվրամիության դիվանագիտության գծով ղեկավար Քեթրին Էշթոնի, «Եվրամիությունը պաշտոնական Երևանից պարզաբանումներ է ակնկալում Ռուսաստանի նախաձեռնած Մաքսային միությանն անդամակցելու Հայաստանի որոշման վերաբերյալ»: «Մենք պարզաբանում ենք ակնկալում, որից հետո կկարողանանք գնահատել, թե ինչ հետևանքներ դա կունենա»,- ասել է ԵՄ արտաքին գործերի և անվտանգության քաղաքականության գծով ներկայացուցչի մամուլի քարտուղար Մայա Կոսյանչիչը: Անմասն չմնաց նաև ԵՄ-ում նախագահող Լիտվայի ԱԳՆ ղեկավար Լինաս Լինկյավիչուսը, որը հայտարարեց, թե Հայաստանն արգելափակեց ԵՄ հետ Խորը և համապարփակ առևտրի մասին համաձայնագիր կնքելու բոլոր շանսերը՝ նախապատվությունը տալով Ռուսաստանի, Ղազախստանի ու Բելառուսի Մաքսային միությանը: Ըստ որոշ փորձագետների, Եվրոպան կանգնել է մի խնդրի առջև, որը դեռ մի քանի շաբաթ առաջ շոշափելի չէր: Ըստ Կարնեգիի հիմնադրամի փորձագետ Ալեքսեյ Մալաշենկոյի, Երևանի որոշումը Ռուսաստանի բացարձակ հաղթանակն է եվրասիական ինտեգրման նախագծի իրականացման հարցում, հատկապես այն ֆոնի վրա, թե ինչ է կատարվում Ուկրաինայի ու Բելառուսի պարագայում: Հայաստանի որոշումը սպասելի էր, հաշվի առնելով նրա ռազմավարական գործընկերությունը Ռուսաստանի հետ, Ղարաբաղի հարցը: «Ստատուս քվոն տարածաշրջանում Մաքսային միությանն անդամակցելուց չի փոխվի, Արևմուտքը կքննադատի Երևանին այս որոշման համար, սակայն ոչ երկար»,- գտնում է Մալաշենկոն: Մի խոսքով, ամեն ինչ ստացվեց այնպես, ինչպես միշտ, թեև ոմանք կարծում էին, որ ավելի լավ կլինի: Չի լինի, քանի դեռ Մեծ Մերձավոր Արևելքում անհանգիստ է: Երաշխիք կա՞, որ Սիրիայի իրադարձությունները լարվածություն չեն առաջացնի ղարաբաղա-ադրբեջանական շփման գծում: Չկա նման երաշխիք, ուստի ավելի լավ է ընկերություն անել Ռուսաստանի հետ, եթե կարելի է այդպես արտահայտվել, ոչ թե ԵՄ-ի, որտեղ 28 երկիր ոչ մի կերպ փոխհամաձայնության չեն կարողանում գալ: 2013թ. նոյեմբերին Վիլնյուսում տեղի կունենա Եվրամիության և ԵՄ Արևելյան գործընկերության ծրագրի մասնակիցների ղեկավարության գագաթաժողովը, որտեղ ակնկալվում էր որոշ երկրների, այդ թվում նաև Հայաստանի հետ, նախաստորագրել Խորը և համապարփակ ազատ առևտրի գոտու ստեղծման շուրջ և Ասոցացման մասին համաձայնագրերը: Սեպտեմբերի 3-ին Մոսկվայում Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում ԵվրաԱզԷՍ-ի ձևավորմանը մասնակցելու իր ցանկության մասին: Ռուսաստանի նախագահ Վլադիմիր Պուտինը հավանություն տվեց նախաձեռնությանը՝ պատրաստակամություն հայտնելով աջակցել այդ գործընթացին: Պուտինը հավելել է, որ ՌԵՈւ-ն կարող է մոտ 15 մլրդ ռուբլի ներդնել Հայաստանի երկաթուղային ցանցի զարգացման մեջ: Մաքսային միությունն իր աշխատանքը սկսել է 2010 թվականին: Սկզբում միությանը անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը: 2008թ. փետրվարի 13-ին Հայաստանի երկաթուղին հանձնվեց «Ռուսական երկաթուղի» ՓԲԸ-ին՝ հավատարմագրային կառավարման 30 տարի ժամկետով՝ այն 10 տարով երկարացնելու իրավունքով: Այդ նպատակով երկրում ստեղծվեց «Հարավկովկասյան երկաթուղի» դուստր ձեռնարկությունը: Կարինե Տեր-Սահակյան/PanARMENIAN.Net Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |