Վարդան Սեդրակյանին ազատազրկեցին 14 տարի ժամկետով23 սեպտեմբերի 2013 - 13:31 AMT PanARMENIAN.Net - Երևանի կենտրոն և Նորք Մարաշ վարչական շրջանների ընդհանուր իրավասության դատարանում այսօր՝ սեպտեմբերի 23-ին, հրապարակվեց ԱԻՄ առանջորդ Պարույր Հայրիկյանի դեմ մահափորձի գործով դատավճիռը: Այսպիսով, նախագահի նախկին թեկնածու Վարդան Սեդրակյանը դատապարտվեց 14 տարվա, մեղադրյալներից Խաչատուր Պողոսյանը ևս 14, իսկ Սամվել Հարությունյանը՝ 12 տարվա ազատազրկման: Դատարանը որոշեց Պարույր Հայրիկյանի՝ գումարի բռնագանձման պահանջը թողնել առանց քննության, փոխանցում է «Այսօր»-ը: Իր մեղադրական ճառում մեղադրող դատախազ Արամ Ամիրզադյանն առաջարկել էր Սեդրակյանին դատապարտել 12 տարվա ազատազրկման։ Հունվարի 31-ին՝ ժամը 23.30-ի սահմաններում, Կենտրոն վարչական շրջանում` Տպագրիչների փողոցում Պարույր Հայրիկյանի դեմ մահափորձ էր իրականացվել: ԱԻՄ առաջնորդը անրակի շրջանում հրազենային վնասվածք էր ստացել: Հետագայում վնասվածքի հետ կապված բարդություններ են առաջացել: ԱԱԾ քննչական վարչությունում գործ էր հարուցվել: Փետրվարի 7-ին Հայրիկյանի գործով ձերբակալվել էին Երևան քաղաքում ոչ լեգալ կարգավիճակով գտնվող երկու կասկածյալ՝ 1966թ. ծնված, որոշակի զբաղմունք չունեցող, նախկինում թմրամիջոցների ապօրինի շրջանառության համար դատապարտված Խաչատուր Ալբերտի Պողոսյանը և 1972թ. ծնված, Սամվել Արամայիսի Հարությունյանը: Մարտի 5-ին Հայրկյանի գործով կալանավորվել էր նաև նախագահի մեկ այլ թեկնածու, էպոսագետ ներկայացող Վարդան Սեդրակյանը: Վարդան Սեդրակյանին մեղադրանք էր առաջադրվել, քանի որ նա՝ առաջադրվելով որպես ՀՀ նախագահի թեկնածու 2013-ի փետրվարի 18-ին կայանալիք ընտրություններում, իր մտերիմներ Սամվել Հարությունյանին և Խաչատուր Պողոսյանին 2013 թվականի հունվարի սկզբներին պատվիրել է ԱԻՄ առաջնորդ, ՀՀ նախագահի մեկ այլ թեկնածու Պարույր Հայրիկյանի սպանությունը: Նպատակն էր դադարեցնել վերջինից քաղաքական գործունեությունը: Սեդրակյանը զենք ձեռք բերելու համար հանցակիցներին տվել էր 1000 ԱՄՆ դոլար, ինչը Խաչատուր Պողոսյանը և Սամվել Հարությունյանը հավասարապես կիսել էին։ Ծրագրված հանցագործությունն իրականացնելու համար Խաչատուր Պողոսյանն օգտագործել է իր կողմից 1995-1996 թվականներին ապօրինի կերպով ձեռք բերված և պահված 1941թ. գործարանային արտաղրության 7,62 մմ տրամաչափի «HG 201» համարի «Նագան» տեսակի թմբուկավոր ատրճանակը։ Խաչատուր Պողոսյանին մեղադրանք էր առաջադրվել այն բանի համար, որ նա` 1995-1996 թթ. Բագրատաշենի տարածքում քննությամբ չպարզած անձից ապօրինի կերպով ձեռք էր բերել 1941թ. գործարանային արտադրության 7.62 մմ տրամաչափի «HG 201» համարի «Նագան» տեսակի թմբուկավոր ատրճանակ և այդ ատրճանակից կրակելու համար նախատեսված` 9 հատ 7.62 մմ տրամաչափի փամփուշտներ, որոնք մինչև 2013թ. հունվարի 31-ը ապօրինաբար պահել էր տանը: Սամվել Հարությունյանին մեղադրանք էր առաջադրվել այն բանի համար, որ նա, իր ընկերոջ` Խաչատուր Պողոսյանի հետ, 2013թ. հունվարի սկզբին Վարդան Սեդրակյանից Հայրիկյանի սպանությունն իրագործելու պատվեր ստանալով, իրենց համաձայնությունն են տվել ու զենք ձեռք բերելու համար Սեդրակյանից ստացել 1000 ԱՄՆ դոլար գումար: Հիշեցնենք, որ սեպտեմբերի 19-ին կայացած Հայրիկյանի գործով հերթական դատական նիստի ժամանակ Վարդան Սեդրակյանն իր պաշտպանական ճառում պահանջել էր կամ իրեն մեղսունակ ճանաչել, կամ ապացուցել Հայրիկյանի դեմ մահափորձը պատվիրելու պատճառը, գրում է Tert.am-ը: Սեդրակյանն ընդգծել էր, որ 12-15 հատորանոց գործում չկա որևէ տող, որը կապացուցի իր կապն այս գործի հետ: «Իմ պաշտպանն էլ իր ճառում ասաց, որ 1930-ականներին անգամ, երբ որևէ մեկին մեղադրում էին մեկ ուրիշին սպանելու համար, գործի մեջ պետք է լիներ գոնե մեկ ցուցմունք, անկախ նրանից, թե այն ինչ կերպ է ձեռք բերվել, բայց պետք է լիներ մեկ ցուցմունք: Բայց այստեղ չկա»,- ասել էր Սեդրակյանը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով |