Իրանում երկու անձ է ձերբակալվել, որոնց կասկածում են նախագահի վրա կոշիկ նետելու մեջ30 սեպտեմբերի 2013 - 15:48 AMT PanARMENIAN.Net - Իրանում երկու մարդ է ձերբակալվել, որոնց կասկածում են նախագահ Հասան Ռոուհանիի վրա կոշիկ նետելու մեջ: Այդ մասին հայտնում է «Ինտերֆաքս» գործակալությունը, տեղական ԶԼՄ-ների վրա հղումով: Մի քանի տասնյակ երիտասարդ իսլամիստներ միացել են նախագահի հարյուրավոր կողմնակիցներին, որոնք հավաքվել էին Թեհրանի օդանավակայանում՝ դիմավորելով նրան Նյու Յորքից, որտեղ Իրանի նախագահը մասնակցում էր ՄԱԿ ԳՎ նստաշրջանին: Ինչպես ավելի վաղ էր հայտնի դարձել, երբ Ռոուհանին մոտեցել է դիմավորողներին, հանրության պահպանողական տրամադրված հատվածի կողմից նրա ուղղությամբ հավկիթներ ու կոշիկ են նետել: Դրան հաջորդել է Ռոուհանիի երկու հակառակորդների ձերբակալությունը: Նրանցից մեկը իր կոշիկը որպես բողոքի նշան օգտագործածներից մեկն է: Մյուսին ձերբակալել են մեկ ոտնամանով լինելու համար, թեև ոչ ոք չի տեսել, թե նա ինչպես է կոշիկ նետել: Պետության ղեկավարի հանդեպ անհարգալից վերաբերմունքի փաստով հետաքննություն է սկսվել, հայտնել են ոստիկանությունից: Ռոուհանիի գործողությունները ՄԱԿ ԳՎ-ում, նրա հեռախոսազրույցը ԱՄՆ նախագահի հետ դժգոհություն են առաջացրել Իրանի բնակչության որոշ շրջանակներում, քանի որ այդ քայլերն ընկալվել են որպես Իրանի ձգտում ԱՄՆ հարաբերությունների հետ կարգավորման ի վնաս ազգային շահերի: Անցած շաբաթ, ելույթ ունենալով ՄԱԿ ԳՎ նստաշրջանում, Իրանի նախագահ Հասան Ռոուհանին հայտարարել էր, որ պատրաստ է ամենասեղմ ժամկետում միջուկային խնդրի կարգավորման շուրջ բանակցություններ սկսել՝ 3-6 ամսում: Նյու Յորքում նաև կայացել էր Իրանի ներկայացուցչի հետ «վեցնյակի» բանախոսների հանդիպումը, որի արդյունքներից կողմերը գոհ են մնացել: Ավելի ուշ Օբամայի նախաձեռնությամբ տեղի է ունեցել նրա հեռախոսազրույցը Ռոուհանիի հետ: Ինչպես հայտնել է ԱՄՆ նախագահը, նա Իրանի իր պաշտոնակցի հետ քննարկել է միջուկային ծրագրի կարգավորման ուղիները: Մինչդեռ, Սպիտակ տան բարձրաստիճան պաշտոնյան հայտարարել է, որ բարձրաստիճան ներկայացուցիչը լրագրողներին հայտնել է, որ ԱՄՆ և Իրանի բանակցությունները միջուկային խնդրի շուրջ չեն շարունակվի նախագահների մակարդակով, չնայած ուրբաթ օրը Բարաք Օբաման ու Իրանի նախագահ Հասան Ռոուհանին հեռախոսազրույց են ունեցել: ԱՄՆ-ն մեղադրում է Իրանին ատոմային զենքի ստեղծման ուղղությամբ գաղտնի աշխատանք տանելու մեջ: Թեհրանը հայտարարում է, որ բացառապես խաղաղ նպատակներ է հետապնդում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |