1 ապրիլի 2006 - 16:23 AMT
PanARMENIAN.Net - Մոսկովյան պայմանագրի սկզբնական պլանը Հայաստանի մասով շատ ավելի քիչ զիջումներ էր նախատեսում Թուրքիային: Այդ մասին
PanARMENIAN.Net ի թղթակցին տված հարցազրույցում հայտարարել է թուրքաբան, Ասիայի եւ Աֆրիկայի երկրների ինստիտուտի տնօրեն, ՄՊՀ պրոֆեսոր
Միխաիլ Մեյերը: Նրա խոսքերով, Խորհրդային Ռուսաստանի արտաքին գործերի ժողովրդական կոմիսար Գեորգի Չիչերինը առաջարկեց Հայաստանին թողնել Արեւմտայն Հայաստանի տարածքը` ներառյալ Մուշն ու Կարսը: «Սակայն գործին խանգարեց նավթի գործոնը: Բաքու-Աստրախան փոխադրումների ուղին պահպանելու համար բոլշեւիկները ամեն ինչի էին պատրաստ: Դաշինքը քեմալիստական Թուրքիայի հետ արեւմտամետ տրամադրված Հայաստանի դեմ շահավետ էր եւ բոլշեւիկներին, եւ թուրքերին, որոնք ահռելի քանակությամբ զենք ու ոսկի ստացան: Հայաստանը, ցավոք, խաղաքարտ դարձավ մեծ նավթային խաղում: Բոլշեւիկները առաջնորդվում էին հետեւյալ սկզբունքով. Բաքուն ստանալու համար կարելի է զոհաբերել ամեն ինչ»,-ընդգծել է Մեյերը:
Ռուս թուրքագետը նշել է, որ Մոսկովյան պայմանագրի ստորագրման իսկական ամսաթիվը ոչ թե մարտի 16-ն է, այլ` 18-ը: «Մարտի 18-ի երեկոյան կողմերը վերջնականապես ձեւակերպեցին պայմանագրի կետերը, որով Հայաստանից անջատվեց նրա մեծ մասը»,-ասել է նա:
Բաժիններ թեմայով
Վերջին լուրեր
ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով 
ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերը
Ուշագրավ
