Պուտինը խոստացել է Բելառուսին ու Ղազախստանին բազմամիլիարդանոց արտոնություններ ՄՄ գծով26 հոկտեմբերի 2013 - 14:21 AMT PanARMENIAN.Net - Այս շաբաթ Մինսկում տեղի ունեցած ԱՊՀ գագաթաժողովը Մաքսային միության շրջանակում Ռուսաստանի գործընկերներ Բելառուսին ու Ղազախստանին բազմամիլիարդանոց արտոնությունների խոստումներ բերեց՝ Մոսկվայի հանդեպ լոյալ վերաբերմունքի դիմաց: Ռուսաստանը մտածում է Բելառուսի նավթամշակող գործարանների բեռնվածությունը հումքով չորրորդ եռամսյակում ավելացնելու ուղղությամբ և պատրաստ է ժամանակի հետ հրաժարվել Բելառուսին ու Ղազախստանին ներկայացվող ռուսական նավթի մաքսազերծման եկամուտները պահանջելուց «զիջումների» դիմաց: Այդ մասին գագաթաժողովի շրջանակում հայտարարել է ՌԴ նախագահ Վլադիմիր Պուտինը: Հոկտեմբերին Լուկաշենկոն ապշեցրեց ՌԴ պաշտոնյաներին՝ հայտարարելով, թե Պուտինը խոստացել է նրան չեղյալ համարել 4 մլրդ դոլարի ամենամյա գանձումը ՌԴ բյուջե նավթամթերքի համար արտահանման տուրքերի տեսքով, որն արտադրվում է բելառուսական գործարաններում ռուսական հումքից: ՌԴ պրոֆիլային գերատեսչությունների ներկայացուցիչները պնդում էին, որ նման զիջումն անհնար է, չէ որ ՌԴ-ն առանց այդ էլ հազիվ է ծայրը ծայրին հասցնում շռայլ նախընտրական խոստումներից հետո: Սակայն ԽՍՀՄ օրինակով տնտեսական դաշինքի կազմավորումը առաջ տանող Պուտինը համաձայնություն է տվել Լուկաշենկոյի խնդրանքին, հայտնում է «Ռոյթերս» գործակալությունը: Ռուսական նավթը վերամշակվում է երկու բելառուսական ՆՄԳ-ում՝ Մոզիրի և Նովոպոլոցկի, որոնց տարեկան հզորությունը կազմում է մոտ 22 մլն տոննա: Ղազախստանը, տարեկան արդյունահանելով մոտ 80 մլն տոննա նավթ, ստանում է Ռուսաստանից ներքին շուկայի համար առանց մաքսատուրքերի վճարման մոտ 6 մլն տոննա հումք և 2,1-2,6 մլն տոննա նավթամթերք: Սակայն փոխհատուցման մեխանիզմը տուրքերի դիմաց մինչ օրս չի գործում, ի տարբերություն բելառուսական սցենարի: Այն դեպքում, երբ Մինսկը հաջողությամբ հատուցում է Մոսկվային հումքի մաքսազերծ առաքումները, Աստանայի հետ ՌԴ-ն փոխզիջման չի կարողանում հասնել: Արդյունքում, ըստ շուկայի մասնակիցների գնահատականի, 2012 թվականին ռուսական բյուջեն զրկվեց արտահանման արդյունքում ստացվող 1,8 մլն տոննա ղազախական նավթից: 2013 թ. կորուստների մասին տվյալներ չկան: Ընթացիկ տարվա հունվար-սեպտեմբերին Ռուսաստանը Ղազախստան է առաքել մոտ 5 մլն տոննա նավթ (ըստ ՌԴ էներգետիկայի նախարարության) և 2 մլն տոննա նավթամթերք, ըստ երկաթուղայինների վիճակագրության: Հղումներ թեմայով. Մաքսային միություն Մաքսային միությունն իր աշխատանքը սկսել է 2010 թվականին: Սկզբում միությանն անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |