Ջեյմս Ուորլիք. Կովկասին խաղաղություն ու բարգավաճում է հարկավոր31 հոկտեմբերի 2013 - 14:47 AMT PanARMENIAN.Net - Վաշինգտոնը հուսով է, որ «նոր ջանքեր կգործադրվեն ու վստահություն կհաստատվի» ղարաբաղյան կարգավորման բանակցություններում: Այդ մասին հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը: Ըստ նրա, իր աշխատանքի իմաստն «երկու երկրների ժողովուրդների ու կառավարությունների կողմից այնպիսի որոշման կայացումն է, որը տևական խաղաղություն կապահովի տարածաշրջանում»: «Տարածաշրջանինծանոթությունսհաստատում է, որ մարդիկ կարգավորում են ուզում և գիտակցում են, որ կլինեն կորուստներ: Եթե հակամարտությունը կարգավորվի, վստահ եմ, դա բարգավաճում կբերի Կովկասին: Ուստի, մենք պետք է որոնենք ու այնպիսի ուղիներ գտնենք, որոնք թույլ կտան մարդկանց ու կառավարություններին հասնել այդ նպատակին»,-ասել է նա: Տարածաշրջանում իրավիճակըվտանգավոր անվանելով՝ Ուորլիքը նշել է, որ Հայաստանն ու Ադրբեջանը շարունակում են սպառազինվել, թեև հակամարտությունը «հայելային հնարավորություններ» ունի, եթե երկու երկրների նախագահներն ընտրեն խաղաղ տարբերակն ու Մինսկի խմբի ձևաչափը: Հաշվի առնելով, որ այսօր միջնորդներն առաջին անգամ տևական ընդմիջումից հետո փորձում են բանակցությունների սեղանի մոտ նստեցնել երկու նախագահներին, «կողմերի վստահության մակարդակը կենսական նշանակություն է ստանում»,- նշել է նա: «Հաջորդ շաբաթ մտադիր ենք այցելել տարածաշրջան ու հանդիպել երկու նախագահներին»,-ասել է ամերիկացի համանախագահը Պատասխանելով հանդիպման վայրի ու ժամկետի մասին հարցին՝ դիվանագետն ասել է, որ «դա կախված կլինի նախագահներից»: «Հուսով եմ, դա շուտ տեղի կունենա, բայց նրանցից է կախված»,-ասել է համանախագահը: «Հիմա հարկավոր է գործնական քայլեր ձեռնարկել, որոնք անհրաժեշտ են լայնածավալ բանակցությունների ու որոշման հասնելու համար: Հայաստանի ու Ադրբեջանի ժողովուրդները սպասում են դրան»,- Ուորլիքի խոսքերն է փոխանցում թուրքական Turan գործակալությունը: Ամերիկացի համանախագահն այժմ Բաքվում է: Ավելի ուշ նրան կմիանան Իգոր Պոպովն ու Ժակ Ֆորը: Միջնորդները կայցելեն նաև Երևան: Հղումներ թեմայով. Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: ԵԱՀԿ Մինսկի խումբ Մինսկում Լեռնային Ղարաբաղի վերաբերյալ միջազգային համաժողով հրավիրելու մասին որոշումն ընդունվեց 1992թ. մարտի 24-ին ԵԱՀԿ անդամ երկրների Նախարարների Խորհրդի արտակարգ նիստի ժամանակ: Մինսկի համաժողովի պատրաստման գործընթացի մեջ ներգրավված երկրները` Բուլղարիան, Գերմանիան, Իտալիան, Ռուսաստանը, ԱՄՆ-ն, Թուրքիան, Ֆրանսիան, Չեխոսլովակիան, Շվեդիան, կազմեցին Ադրբեջանի ու Հայաստանի միջեւ զինված հակամարտության կարգավորման Մինսկի շփման խումբը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |