Թուրք պատգամավորը չի հավանում Վան անվանումը, ասում է՝ «Ուան» ավելի լավ է հնչում31 հոկտեմբերի 2013 - 17:12 AMT PanARMENIAN.Net - Ադրբեջանցիների 2800-ամյա վաղեմության պատմության մասին Իլհամ Ալիևի «ցնցող» հայտարարությունից հետո, թուրքական խորհրդարանի պատգամավոր Այսել Տուգուլուկն ոչ պակաս անհավանական առաջարկ է արել՝ Վան քաղաքը վերանվանել Ուանի: Ըստ պատգամավորի, հազարամյակներ շարունակ այդ քաղաքը հենց Ուան է կոչվել և պետք է վերադարձնել նրան պատմական անվանումը: Պատգամավորն ուղղակի վստահ է, որ քաղաքի այժմյան անվանումը «հակասում է ժողովրդավարությանը, սխալ է, սխալ նաև արտասանության տեսակետից»: Թե ինչ կապ ունի այստեղ ժողովրդավարությունը, միայն գուշակել կարելի է, իսկ այն, որ Վանի թագավորության մայրաքաղաքի անվանումը «սխալ է», փաստը է: Թուրքիայում այն ամենը, ինչ պատկանել է հայերին, հույներին, ասորիներին հայտարարվում է սխալ և վերանվանման ենթակա: Իսկ քանի որ Վանը պատգամավորի ականջի համար չափազանց հայեցի է, այն ևս պետք է վերանվանել: Հավանաբար, պատգամավորը հենց այդպես է ընկալել Էրդողանի հայտարարությունը, որ պատմական վայրերին կվերադարձվեն նրանց իսկական անվանումները: Սակայն, ակնհայտորեն Էրդողանի խոսքերը չեն առնչվում բոլոր կատալոգներում ու պատմական աշխատություններում ընդգրկված քաղաքներին: Հետևելով Էրդողանին, Գիսարլիկ ավանը, օրինակ, պետք է ստանա իր պատմական Տրոյա անվանումը: Իսկ ինչ վերաբերում է Վանին ու Վանի թագավորությանը, որը վաղնջական ժամանակներում ամենահզորներից էր, երբ պատգամավորի նախնիներն ուղղակի գոյություն չունեին երկրի երեսին, ապա խորհուրդ կտանք ուշադիր ուսումնասիրել պատմությունը: Անշուշտ, ոչ թուրքական աղբյուրներով, այլ աշխարհում ընդունված լուրջ աշխատություններով: Ուրարտուն (Վանի թագավորություն) հինավուրց պետություն է հարավ-արևմտյան Ասիայում, որը Վանի թագավորության հիմնադրման մասին վարկածներից մեկի համաձայն առաջացել է մ. թ. ա. XIII–XI դարերում՝ Վանա լճից հարավ հիշատակվող Ուր(ու)ատրի ցեղային միության հիմքի վրա: Մեկ այլ տեսակետ այն կապում է Արարատյան դաշտի հետ` ելնելով թագավորության Արարատ-Ուրարտու անվանումից: Ներկայումս ընդունված է այն տեսակետը, ըստ որի՝ թագավորության սկզբնատարածքը Վանա լճի ավազանն է, որի հետ էլ կապվում է թագավորության հիմնական ինքնանվանումը` «Բիայնիլի» (այդ պատճառով էլ գիտության մեջ պետությունը հայտնի է նաև «Վանի թագավորություն» անվամբ): Սարդուրի I օրոք Վանի թագավորությունը տարածվել է ոչ միայն Վանա լճի ավազանում, այլև Հայկական Տավրոսից հարավ՝ Տիգրիսի վերին հովտում: Սարդուրի II օրոք տերությունն ունեցել է առավելագույն տարածքը. հյուսիսում հասել է Սև ծով, հյուսիս-արևելքում` Կուր գետ, արևելքում` Կասպից ծով, արևմուտքում` Փոքր Ասիայի կենտրոնական շրջան, հարավում` Բաբելոնով` Պարսից ծոց, և Դամասկոսի թագավորությունով` Միջերկրական ծով: Պետության անկմանը նպաստել են նաև հյուսիսից ասպատակող սկյութական ցեղերը։ Վանի թագավորության անկման ժամանակը ստույգ հայտնի չէ: Հիմքեր կան կարծելու, որ Վանի արքայատոհմից իշխանության անցումը հաջորդ արքայատոհմին կատարվել է պալատական հեղաշրջման միջոցով՝ նախքան մ. թ. ա. 609 թ.: Հայկական լեռնաշխարհի արևմտյան մասում մ. թ. ա. 612 թ-ին, ըստ Մովսես Խորենացու, ձևավորվել է հայկական նոր՝ Հայկազունների իշխանությունը՝ Պարույր Հայկազունու գլխավորությամբ: Ժամանակակից գիտությունն Ուրարտունիր համար բացահայտեցXIX դարի սկզբում: Գիտնականները ուշադրություն դարձրին պատմագիր Մովսես Խորենացու պատումին այն մասին, որ Ասորեստանի թագուհի Շամիրամը Վանա լճի ափին մասնակցել է քաղաքի կառուցմանը: 1827 թվականին Ֆրանսիայի Ասիական ընկերակցությունը Վանի շրջան գործուղեց առաջին հետազոտող Ֆրիդրիխ Շուլցին: 1829 թվականին քուրդ ավազակները սպանեցին նրան, սակայն նրա աշխատությունների նյութերը հասան Ֆրանսիա ու հրապարակվեցին: Շուլցն արտանկարեց իր հայտնաբերած սեպագրերն և տվեց Վանա ժայռի առաջին նկարագրությունը, հետազոտությունները ցույց տվեցին, որ սեպագրերը ասորերեն չեն, թեև մինչ այդ եվրոպացի հետազոտողները Վանի մոտակայքի ավերակներն ու ուրարտական սեպագիր արձանագրություններն ասորական մշակույթի հետքերի տեղ էին դնում: Իսկ Ուրարտուն մոռացված թագավորություն էր մնում մ.թ.ա V դարից սկսած: Եվ եթե վերանվանելու հարց ծագի, ապա ավելի շուտ Տուշպա, ոչ թե Ուան: Թուրքերն արդեն վերանվանել են Արարատն Աղրիդաղի, Աղթամարը՝ Ակդամարի, Զմյուռնիան՝ Իզմիրի, ցուցակն երկար կարող է լինել: Հերթը Վանի՞նն է: Կարինե Տեր-Սահակյան / PanARMENIAN.Net Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Մայիսի 13–ից ջերմաստիճանը կնվազի 4-6 աստիճանով Սպասվում է անձրև, ամպրոպ, քանու ուժգնացում «Տավուշը հանուն հայրենիքի» շարժումը կոչ է արել ֆրանսահայ Նիկոլյանին դադարեցնել հացադուլը Նիկոլյանը մարտին գրեթե 1 ամիս ապրել է Ոսկեպարում, տեսանյութեր պատրաստել միջազգային մամուլի համար Երևանում անհնազանդության ակցիաներ են․ Ավելի քան 40 բերման ենթարկված կա Բերման ենթարկված քաղաքացիներից մեկը ստացել է մարմնական վնասվածք։ ՀՀ-ն կողմ է քվեարկել է ՄԱԿ-ում Պաղեստինի իրավունքների ընդլայնման բանաձևին Բանաձևին կողմ են քվեարկել նաև Ռուսաստանը, Իրանը, Ադրբեջանը, Թուրքիան |