2013-ին տնտեսությունն աճել է 3,5 %-ով. Առաջատարը գյուղատնտեսությունն է25 հունվարի 2014 - 14:31 AMT PanARMENIAN.Net - Անցած տարի Հայաստանի տնտեսությունն աճել է 3,5 տոկոսով` կրկնակիից ավելի քիչ, քան 2012-ի 7,2 տոկոսն է` հաղորդում է Ազգային վիճակագրական ծառայությունը: Տնտեսական աճի` կառավարության նախանշած 4,1 տոկոսին հասնելուն խանգարել են շինարարության և էլեկտաէներգիայի արտադրության ծավալների նվազումը (8,1 և 4,1 տոկոս համապատասխանաբար): Այնուամենայնիվ, տնտեսական աճն ավելի է եղել, քան միջազգային ֆինանսական կառույցների կանխատեսումները: Համաշխարհային բանկը, մասնավորապես, Հայաստանի համար նախանշել էր 3,2, իսկ Արժույթի միջազգային հիմնադրամը` 2,9 տոկոս աճ: Տնտեսությունը, չնայած արդյունաբերության արտադրանքի ծավալի 6,8 և գյուղատնտեսությունում 7,1 տոկոսանոց աճին, չի հասել նախագահ Սերժ Սարգսյանի մայիսին նախանշած թիրախին: «Անցած տարի կառավարության առջև խնդիր դրվեց ապահովել նվազագույնը 7 տոկոս տնտեսական աճ: Այս խնդիրը լուծվեց: Ընթացիկ տարում էլ նույն խնդիրն է դրված: Բայց այսուհետ ձեր գործունեությունից ակնկալելու ենք որակական ցուցանիշներ, կառավարության գործունեության արդյունավետության և սոցիալական խնդիրների լուծման կոնկրետ ցուցիչներ»,- մայիսի 7-ին կառավարության այն ժամանակ նորանշանակ անդամների հետ հանդիպմանն ասել էր նախագահը` չափելի անվանելով, օրինակ, աշխատավարձի կամ թոշակի բարձրացումը: Թոշակները կառավարությունը բարձրացրեց 2014-ին` միջինը 15 տոկոսով, միջին աշխատավարձն անցած տարի աճել է 4,8 տոկոսով, գնաճը պաշտոնապես եղել է 5,8 տոկոս: Ըստ տնտեսագետ-վերլուծաբան Սամվել Ավագյանի` տնտեսության աճն ավելի պակաս կլիներ, եթե չլինեին գյուղատնտեսական հաջողությունները: «2013-ը «գյուղատնտեսական» տարի է, քանի որ այդ ոլորտում արձանագրված 7,1 տոկոս աճն է կառավարությանը փրկել ավելի խայտառակ ցուցանիշներից»,- «Հետք»-ում իր վերլուծությունում նշել է Ավագյանը: «Վերջին տարիներին Հայաստանն ավելի ու ավելի գյուղատնտեսական երկիր է դառնում, եթե, իհարկե, գյուղատնտեսական բումի մասին վիճակագրական տվյալները կարելի է հավաստի համարել»,- հավելել է նա` ընդգծելով, որ արդյունաբերության աճի տեմպն անցած տարի զգալի հետ է ընկել գյուղատնտեսությունից: Համեմատելով Անդրանիկ Մարգարյանի ու Տիգրան Սարգսյանի կառավարությունները` տնտեսագետը նշել է, որ վերջինիս կառավարման շրջանում արձանագրվում է «արդյունաբերության ու գյուղատնտեսության համեմատաբար բարձր աճ», այն դեպքում երբ նախկինում «աճը հիմնականում ձեռք էր բերվում ծառայությունների ու շինարարության հաշվին»: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |