Ռուս փորձագետ. Եթե Բաքուն Հայաստանի դեմ պատերազմ սկսի, Ռուսաստանն անմասն չի մնա19 փետրվարի 2014 - 11:30 AMT PanARMENIAN.Net - «Պատերազմ հայտարարել ՀԱՊԿ անդամ երկրներից մեկին նշանակում է հարձակվել բոլոր անդամ երկրների վրա: Եթե Ադրբեջանը հարձակվի Հայաստանի վրա, ոչ միայն Ռուսաստանը, այլև ՀԱՊԿ մյուս անդամները կանեն այն, ինչ պարտավոր են, և ՀՀ-ում ռուսական ռազմակայանի հրամանատար, գնդապետ Անդրեյ Ռուզինսկու վերջերս արված հայտարարությունը հենց այդ մասին էր»,- հայտարարել է պաշտոնաթող գնդապետ, ՌԴ ՊՆ նախկին մամուլի քարտուղար, «Կոմսոմոլսկայա պրավդա» թերթի ռազմական մեկնաբան Վիկտոր Բարանեցը: Ըստ նրա, դա վերաբերում է ոչ միայն Ադրբեջանին. «Եթե որևէ այլ երկիր հարձակվի Հայաստանի վրա, 102-րդ ռուսական ռազմակայանը ստիպված կլինի ևս միջամտել զինված հակամարտությանը: Ինձ թվում է դրանում ոչ մի սենսացիոն բան չկա»: Բարանեցը նշել է, որ Ռուսաստանը Լեռնային Ղարաբաղը վիճահարույց տարածք է համարում: «Այդ հողերի պատմությունը փոփոխական է եղել: Անշուշտ, Ռուսական կայսրությունը դրա մասնակիցն էր: Բոլորս գիտենք, թե ինչպես է ստեղծվել Լեռնային Ղարաբաղի Ինքնավար Հանրապետությունը: Այդ տարածքները մեր ընդհանուր ողբերգական պատմության մասն են: Ինչ վերաբերում է Լեռնային Ղարաբաղում պատերազմին ՀԱՊԿ միջամտությանը, ապա դրան պետք է նայել այդ կազմակերպությանը Հայաստանի անդամակցության լույսի ներքո: Հայաստանն այսօրվա դրությամբ պաշտպանում է Լեռնային Ղարաբաղի անվտանգությունը: ՀԱՊԿ պայմանագրում չկա այդ տարածքին վերաբերող կետ: Եթե Ադրբեջանը զինված հարձակում գործի Լեռնային Ղարաբաղի դեմ, Ռուսաստանը կրկին ստիպված կլինի զենք վերցնել, որովհետև Կրեմլը հակամարտության խաղաղ կարգավորման ակնկալիք ունի: Հենց որ Ադրբեջանը պատերազմ հայտարարի, Ռուսաստանը կմիջամտի: Ղարաբաղյան հակամարտությունը Ռուսաստանի համար բավականին բարդ խնդիր է, և պաշտոնական Մոսկվան շահագրգռված է, որ այն լուծվի: Ռուսաստանը այդ հակամարտությանը վերաբերում է ինչպես հայրը երկու որդիների միջև դիմակայությանը: Մինչև օրս քաղաքական ուժերից շատերը կարծիք են հայտնում, որ հակամարտության կարգավորման բանալին Ռուսաստանի ձեռքում է: Ըստ նրանց, Կրեմլն էր այդ հակամարտության նախաձեռնողը և հենց Կրեմլն էլ պետք է այն հանգուցալուծի: Եթե մենք անդրադառնանք ոչ վաղ անցյալին, միանգամայն հակառակը կտեսնենք: Այդ հակամարտությունը ստեղծեցին ԽՍՀՄ փլուզման կողմնակիցները: Ղարաբաղյան հակամարտությունն այդ մեծ տերության փլուզման պատճառներից մեկն էր: Դա ապացուցում է, որ Կրելմը շահագրգռված է, որ այն հանգուցալուծվի, սակայն ի վիճակի չէ դա անել, հակառակ դեպքում վաղուց էր արել»,- ասել է Բարանեցը: Նա նաև նշել է, որ Ադրբեջանն ու Հայաստանը արդեն տարիներ շարունակ փորձում են հանգուցալուծել այդ հակամարտությունը: Երկու կողմերը ջանում են դա անել որևէ երրորդ կողմի օգնությամբ: Ադրբեջանը հակված է Արևմուտքին, ջանում է ներգրավել ԱՄՆ-ին ու ՆԱՏՕ-ին, իսկ Հայաստանն ապավինում է Ռուսաստանի ու ՀԱՊԿ աջակցությանը: «Եթե Ադրբեջանն իրոք ցանկանում է ԱՄՆ ու ՆԱՏՕ-ի օգնությամբ ուժով վերադարձնել այդ հողերը, ապա մոտ ապագայում կդառնանք սկզբից տարածաշրջանային, հետո արդեն երրորդ համաշխարհային պատերազմին: Ադրբեջանի ու Հայաստանի պատերազմը, որոնք հենվում են ԱՄՆ, ՆԱՏՕ-ի ու Ռուսաստանի հզորության վրա, վերջին հաշվով կնշանակի պատերազմ ԱՄՆ-ՆԱՏՕ-ի և Ռուսաստանի միջև: Ոչ Ադրբեջանին, ոչ Հայաստանին, ոչ Ռուսաստանին նման պատերազմ պետք չէ»,- ասել է ռազմական փորձագետը, հայտնում է VAKinfo-ն: Իր հարցազրույցում Անդրեյ Ռուզինսկին մասնավորապես հայտարարել էր, որ «եթե Ադրբեջանն որոշում կայացնի ուժային միջոցով վերականգնել Լեռնային Ղարաբաղի հանդեպ իրավասությունը, ապա Հայաստանում տեղակայված 102-րդ ռուսական ռազմակայանը կարող է մասնակցել ռազմական հակամարտությանն ըստ ՌԴ պայմանագրային պարտավորությունների ՀԱՊԿ շրջանակներում»: Ըստ նրա, ռազմաքաղաքական իրավիճակը ռազմակայանի պատասխանատվության գոտում անհանգիստ է մնում և բնորոշվում է մի շարք ապակայունացնող գործոնների առկայությամբ, «կապված հակամարտության գոտում դիմակայության թեժացման հավանականության հետ»: «Ռազմակայանը անհապաղ գործարկման մշտապես պատրաստ միավորում է: Ուժերի առկա ծավալը թույլ է տալիս հաջողությամբ լուծել խնդիրները: «Հայատանում տեղակայված ռուսական ռազմակայանի մարտական կազմի առանձնահատկությունն է զենիթային հրթիռային դիվիզիոնի առկայությունը, որը հագեցած է С-300В ԶՀՀ-ով, զենիթահրթիռային դիվիզիոնը, որը զինված է ԲՈւԿ-Մ1-2 ԶՀՀ-ով, «Սմերչ» ռեակտիվ հրետանային համակարգն և ՄիԳ-29 մարտական ինքնաթիռներով հագեցած ավիաբազան»,- ասել է գնդապետը: Photo: Evgenia Guseva Հղումներ թեմայով. Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |