Կարծիք. Եթե «Գազպրոմ Արմենիան» չվերանայի կեցվածքը, կարող է խանգարել ՀՀ-ի՝ ՄՄ-ին անդամակցելուն27 փետրվարի 2014 - 19:39 AMT PanARMENIAN.Net - «ՀայՌուսգազարդ» կամ «Գազպրոմ Արմենիա» ընկերությունը պետք է արագորեն վերանայի իր կեցվածքը, այլապես կարող է քաղաքական տեսանկյունից վնասել Հայաստանի՝ Մաքսային միությանն անդամակցելու մտադրությանը: Ասուլիսում նման դիտարկում է արել Գործատուների միության նախագահ Գագիկ Մակարյանը: «Սեպտեմբերի 3-ին, երբ Հայաստանի նախագահը Մոսկվայում հատարարեց Մաքսային միությանը միանալու մտադրության մասին. նա և Վլադիմիր Պուտինը հպանցիկ խոսեցին նաև գազի գնի մասին, որ այն չի բարձրանալու: Այսինքն գազն արգումենտ էր ՄՄ հետ հարաբերություններ սկսելու շեմին, մինչդեռ «ՀայՌուսգազարդն» իր կեցվածքով կարող է փչացնել այդ հարաբերությունները»,- ասել է նա՝ նկատի ունենալով այն փաստերը, որ այդ ընկերությունն իր վարած քաղաքականության հետևանքով արտահանողներին վնասեր է պատճառում, գրում է Panorama.am-ը: Դեկտեմբերի 23-ին Ազգային ժողովը վավերացրել էր բնական գազի, նավթամթերքի ու անմշակ ալմաստների մատակարարման, գազի գնագոյացման, ինչպես նաև «ՀայՌուսգազարդի» բաժնետոմսերի 20 տոկոսը ռուսական կողմին փոխանցելու մասին հայ-ռուսական համաձայնագրերը։ Այն ստորագրվել էր դեկտեմբերի 2–ին Երևանում, Ռուսաստանի նախագահ Վլադիմիր Պուտինի` Հայաստան կատարած այցի արդյունքում։ Համաձայն դրա` հայկական կողմն ապահովում է Հայաստանի էներգետիկայի և բնական պաշարների նախարարության և «Գազպրոմ» ԲԲԸ–ի միջև «ՀայՌուսգազարդ» ռուս–հայկական համատեղ ՓԲԸ–ի բաժնետոմսերի առուվաճառքի պայմանագրի ստորագրումը: Ինչ վերաբերում է «Գազպրոմ» ընկերության վարչության նախագահ Ալեքսեյ Միլլերի՝ Հայաստան այցին ու հայտարարություններին, Մակարյանը նշել է, որ դրանք հիմնականում քաղաքական նպատակ են հետապնդում՝ գազի հարցով այսօրվա իրավիճակը մեղմացնելու, կալորիականության ստուգման հարցով հանձնաժողովների ստեղծման վերաբերյալ: «Գազպրոմի» վարչության նախագահ Ալեքսեյ Միլլերն երեկ՝ փետրվարի 26-ին, ինտեգրման գործընթացների վերաբերյալ ընդլայնված կազմով խորհրդակցություն էր անցկացրել «Գազպրոմ Արմենիա» ՓԲԸ-ի ղեկավարության հետ: Միլլերը կարևորել է «Գազպրոմ Արմենիա»-ի գործունեության ֆինանսատնտեսական, տեխնիկական պահանջներն ու ստանդարտները «Գազպրոմի» նորմատիվային բազային համապատասխանեցնելու անհրաժեշտությունը: Նա միաժամանակ նշել է, որ անցած տարիներին ընկերության արձանագրած ցուցանիշները տեսանելին են, մասնավորապես Հայաստանի գազաֆիկացիան խոշարագույն արդյունք է գրանցել՝ 2002-ի 21 տոկոսից 2014-ին հասնելով 96 տոկոսի: Միլլերն ընդգծել է նաև վերջին տասը տարվա համատեղ ծրագրերը, որոնց արդյունքներն են Հրազդանի ՋԷԿ-ի 5-րդ էներգաբլոկն ու Իրան-Հայաստան գազատարը: Խոսելով հետագա աշխատանքների ու ծրագրերի մասին, «Գազպրոմի» վարչության նախագահը նշել է, որ ընկերությունը ծրագրում է զգալիորեն բարձրացնել «Գազպրոմ Արմենիայի» գործունեության արդյունավետությունն ու դրա առջև դրված նպատակներն և խնդիրները պետք է լինեն բավականին ամբիցիոզ: Երեկ Ալեքսեյ Միլլերին ընդունել է նաև նախագահ Սերժ Սարգսյանը: Հանդիպմանը քննարկվել են հայ-ռուսական էներգետիկ գործակցության ներկա մակարդակին ու զարգացման հեռանկարներին վերաբերող հարցեր: Նաև անդրադարձ է եղել գազի ոլորտում փոխգործակցությանը՝ ամփոփելով վերջին տարիներին «ՀայՌուսգազարդ» համատեղ ձեռնարկության գործունեության արդյունքներն ու խոսել «Գազպրոմ Արմենիա» ընկերության հեռանկարային ծրագրերի մասին: Զրուցակիցները խոսել են նաև «Գազպրոմ»-ի կողմից Հայաստանի էներգետիկ համակարգում իրականացվող ներդրումային ծրագրերի ընթացքի մասին: Արձանագրելով, որ 2002-ից հաջողվել է էապես բարձրացնել Հայաստանում գազիֆիկացման մակարդակը, գազի սպառման ծավալն ու գազամատակարարման հուսալիությունը, կողմերը քննարկել են «Գազպրոմ»-ի կողմից «ՀայՌուսգազարդ» ընկերությունում Հայաստանի կառավարության 20 տոկոս բաժնեմասի ձեռքբերումից հետո, հետագա համատեղ աշխատանքներին, ինչպես նաև գազի սակագնին և գնագոյացմանը վերաբերող հարցեր: Հունվարի 16-ին «Գազպրոմ» ԲԲԸ ընկերության վարչության նախագահ Ալեքսեյ Միլլերն ու ՀՀ էներգետիկայի և բնական պաշարների նախարար Արմեն Մովսիսյանը ստորագրել էին «ՀայՌուսգազարդ» ՓԲԸ բաժնետոմսերի 20 տոկոսի առուվաճառքի մասին պայմանագիրը, ելնելով ՌԴ և ՀՀ միջև կնքված միջկառավարական համաձայնագրից: Գործարքի արդյունքում «Գազպրոմն» իր բաժնեմասային մասնակցությունը «ՀայՌուսգազարդ» ՓԲԸ-ի կապիտալին հասցրել էր 100 տոկոսի: 2013-ի Դեկտեմբերի 23-ին Ազգային ժողովը վավերացրել էր բնական գազի, նավթամթերքի ու անմշակ ալմաստների մատակարարման, գազի գնագոյացման, ինչպես նաև «ՀայՌուսգազարդի» բաժնետոմսերի 20 տոկոսը ռուսական կողմին փոխանցելու մասին հայ-ռուսական համաձայնագրերը։ Այն ստորագրվել էր դեկտեմբերի 2–ին Երևանում, Ռուսաստանի նախագահ Վլադիմիր Պուտինի` Հայաստան կատարած այցի արդյունքում։ Համաձայն դրա` հայկական կողմն ապահովում է Հայաստանի էներգետիկայի և բնական պաշարների նախարարության և «Գազպրոմ» ԲԲԸ–ի միջև «ՀայՌուսգազարդ» ռուս–հայկական համատեղ ՓԲԸ–ի բաժնետոմսերի առուվաճառքի պայմանագրի ստորագրումը: Կառավարությունն իր փետրվարի 20-ի նիստում որոշել էր էկոնոմիկայի նախարարության գլխավորությամբ ու հասարակական կազմակերպությունների մասնակցությամբ հանձնաժողով ստեղծել, որը կստուգի հանրությանը մատուցվող գազի կալորիականության մակարդակը: Վարչապետի խոսքով, թեև թեմայի վերաբերյալ պարզաբանումներ տրվել են, բայց դեռևս կասկածներ կան` արդյոք կալորիականության ցուցանիշը համապատասխանում է այն պայմաններին, որ ներկայացվել են հանրությանն ու արդյոք գազի որակը փոխվել է: Գործադիրի ղեկավարը նշել էր, որ պարտավոր են հանրությանը տալ այդ հարցերի պատասխանները. «Մասնագետները եզրակացություն են ներկայացրել, որ գազի կալորիականաությունն անհնար է արհեստականորեն փոփոխել: Այն անհրաժեշտ է ավելի հանրամատչելի ներկայացնել հանրությանը»,- նշել էր վարչապետը: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |