 Օլանդն ակնկալում է «Վրաստանի գործակցությունը» ղարաբաղյան կարգավորման հարցում 14 մայիսի 2014 - 13:43 AMT PanARMENIAN.Net - Վրաստանը մասնակցում է «Հայաստանի ու Ադրբեջանի միջև ստեղծված բարդ իրավիճակից դուրս գալու» փորձերին, մայիսի 13-ին Թբիլիսիում հայտարարել է Ֆրանսիայի նախագահ Ֆրանսուա Օլանդը: «Մենք միասին ելք ենք փնտրում ստեղծված իրավիճակից, և ակնկալում ենք Վրաստանի գործակցությունն այս հարցում»,-ասել է նա: Ֆրանսիայի նախագահը հիշեցրել է, որ իր երկիրը ԵԱՀԿ Մինսկի խմբի անդամ է և ակնկալում է «Վրաստանի գործընկերությունը այդ երկու երկրներին վստահության ազդակներ հաղորդելու համար», հայտնում է «Թրենդ» գործակալությունը: Ավելի վաղ նույն օրը Երևանում կայացած ՀՀ նախագահ Սերժ Սարգսյանի հետ համատեղ մամուլի ասուլիսում Ֆրանսուա Օլանդը նշել էր, որ հարկավոր է «իսկական լուծում գտնել ղարաբաղյան հակամարտության համար»: Նա ասաց, որ Ֆրանսիան պատրաստակամ է անել ամեն ինչ՝ ԼՂ խնդրի կարգավորումը խաղաղ ճանապարհով լուծելու համար: Նա շեշտել է` զինադադարը բավական չէ, պետք է լուծում գտնել. «Երեկ զինադադարի քսանամյակն էր, բայց դա լուծում չէ, պետք է նոր լուծում գտնել: Սա հակամարտություն է, որը հազարավոր կյանքեր է խլել: Ֆրանսիան պատրաստ է ընդունել երկու եկիրների` Հայաստանի ու Ադրբեջանի նախագահներին, որպեսզի փոխվստահության հասնեն ու լուծեն խնդիրը»: ՀՀ նախագահ Սերժ Սարգսյանն իր հերթին ասաց. «Մեկ անգամ չէ, որ համանախագահ երկրների ղեկավարները թե գրավոր, թե բանավոր խոսել են իրենց միասնական կարծիքի մասին, այն է, թե ԼՂ վերջնական կարգավիճակը պետք է որոշվի իրավական պարտադիր ուժ ունեցող ժողովրդի ազատ կամարտահայտման միջոցով: Այդ սկզբունքն այլընտրանք չունի»: Անդրադառնալով ԱՄՆ համանախագահ Ջեյմս Ուորլիքի հայտարարությանը` նախագահը նշեց, որ ոչ մի նոր բան իրականում չի ասվել. «Ես չեմ կիսում այն մոտեցումը, թե նույն երկրները տարբեր հակամարտությունների ժամանակ կիրառում են երկակի ստանդարտներ: Մոտեցումները բխում են կոնֆլիկնտերի պատմությունից, ծագումնաբանությունից ու նախադրյալներից»: Նախագահը հավելել է, որ որքան էլ Ադրբեջանի ցանկանա յուրովի մեկնաբանել համանախագահների մոտեցումներն ու ներկայացված սկզբունքները, ոչ մի բանի չի հասնի: Մայիսի 12-13-ը պետական այցով Հայաստանում գտնվող Ֆրանսիայի նախագահ Ֆրանսուա Օլանդը մասնակցել է Հայ-ֆրանսիական տնտեսական ֆորումի բացմանը, այնուհետև երկու երկրների նախագահներն ուղևորվել են Ծիծեռնակաբեր, ծաղկեպսակ դրել Հայոց մեծ եղեռնի զոհերի հուշարձանին, ծաղիկներ՝ Հայոց ցեղասպանության զոհերի հիշատակը հավերժացնող անմար կրակի մոտ: Ֆրանսիայի նախագահը նաև եղևնի է տնկել հուշահամալիրի Հիշողության պուրակում:Հաջորդիվ նախագահները Կարեն Դեմիրճյանի անվան մարզահամերգային համալիրում մասնակցել են երկու երկրների ղեկավարների բարձր հովանու ներքո անցկացվող աշխարհահռչակ շանսոնյե Շառլ Ազնավուրի 90-ամյակի հոբելյանական համերգին: Այցի ավարտին Օլանդը Երևանից մեկնեց Թբիլիսի:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը  Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանումՍուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանովՄարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նաՄիրզոյան․ Պատրաստ ենք ժամանակավորապես հյուրընկալել Գազայում վտանգված ձեռագրերը Նա նաև ասել է, որ Հայաստանը դեմ է խաղաղ բնակչությանը թիրախավորելուն |
